Windows 10 istifadəçisi aldığı əməliyyat sisteminin Microsoft texniki dəstəyi tərəfindən illeqal “crack” üsulla aktiv edildiyi ortaya çıxıb. TCNOco adlı Twitter istifadəçisi rəsmi olaraq Windows 10 Pro əməliyyat sistemini aktivləşdirmək üçün lisenziyanı 200 dollara alıb, lakin problemlə üzləşib və aktivləşdirə bilməyib. Daha sonra o, Microsoft şirkətinin texniki dəstəyi ilə əlaqə saxlayıb, lakin işçi ona hüquqi yardım göstərə bilməyib. Sonra Microsoft şirkəti şirkətinin texniki dəstəyi Windows 10 Pro əməliyyat sistemini aktivləşdirmək üçün illeqal aktiv etmə üsuluna əl atıb.
Microsoft Məhsul Aktivləşdirilməsi, adətən Windows və Office məhsullarında göründüyü kimi, crack versiyalardan fərqli olaraq şirkətin orijinal məhsullarını idarə etmələrini və lisenziya şərtlərinə uyğun olmasını təmin etmək üçün Microsoft şirkətinin DRM texnologiyasıdır.
Microsoft şirkətinə görə “Aktivləşdirmə Windows nüsxənizin orijinal olduğunu və Microsoft Proqram Lisenziyası Şərtlərinin icazə verdiyindən daha çox cihazlarda istifadə olunmadığını yoxlamağa kömək edir”.
Microsoft şirkəti rəsmi Windows aktivləşdirmə üsulları müştərinin tələb olunduqda 25 simvoldan ibarət məhsul açarını daxil etməsini və ya rəqəmsal lisenziyanı tətbiq etmək üçün Microsoft hesabı ilə daxil olmasını nəzərdə tutur. Bəzi hallarda müştərilər həmçinin telefonla aktivləşdirmək üçün müştəri xidmətləri ilə də danışa bilərlər.
İstifadəçi bildirib ki, texniki dəstək işçisi öz kompüterinə xüsusi interfeys vasitəsilə qoşulub, sonra internetdən pirat skript işlədir və ondan əməliyyat sistemini aktivləşdirmək üçün istifadə edir. Bu maraqlı hadisə internetdə geniş müzakirələrə səbəb olub.
Digər tərəfdən, proqram təminatının piratçılığına çox sərt münasibət bəsləyən Microsoft şirkətində bu cür əməliyyatların nə qədər tez-tez istifadə olunduğu sual işarəsi altındadır.
