Grand Theft Auto 5 və Red Dead Redemption 2 oyunlarında əməyi keçmiş keçmiş Rockstar Games animatoru GTA 6 ilə bağlı bəzi cavabsız sualların izahını verib. Belə ki, keçmiş Rockstar animatoru GTA 6 PC versiyasının gecikmə səbəbini izah edərək oyun həvəskarlarının suallarına cavab vermiş olub. Ümumiyyətlə ötən günlərdə yayımlanan yeni GTA 6 fraqmanı oyun dünyasında gündəmin bir anda dəyişməsinə səbəb olmuşdu. Habelə fraqmandan sonra GTA həvəskarları səbirsizliklə oyunun elan edilməsini gözləməyə başlayıb.
Bildiyimiz kimi GTA 6 ilk olaraq Playstation 5 və Xbox konsolları üçün 2025-ci ildə təqdim ediləcək. Bundan 1 il sonra və ya daha qısa müddətdə Rockstar Games şirkəti GTA 6 oyununu PC istifadəçiləri üçün də əlçatan edəcək. Keçmiş Rockstar Games animatoru Mike York bildirir ki, GTA 6 PC versiyasının gecikmə səbəbinə 2 misal göstərmək olar. Birincisi Rockstar konsolda oyunun satışına fokuslanır, ikincisi isə PC versiyasında böyük miqdarda vəsait və zəhmət tələb olunur. Ümumiyyətlə Rockstar Games Gta 5 oyununu yayımladıqda da PC versiyasını 1 il sonra təqdim etmişdi.
Mike bildirir ki, Gta 5 konsol üçün təqdim ediləndə PC versiyası da mövcud idi. Lakin bu versiyada optimizasiya və qrafik problemləri mövcud idi. Rockstar Games həvəskarlarına dəyər verdiyi üçün oyunlarını ən mükəmməl və ən optimal halda təqdim etmək istəyir. Təbii ki, bunun üçün həm çoxlu sayda vəsait, həm də zaman tələb olunur. Şirkət ilk olaraq konsoldakı işlərini həll etdikdə sonra Gta 6 PC versiyasındakı optimizasiya problemlərini həll etmək üçün işə qoyulacaq.
