Tesla, SpaceX və Neuralink kimi texnologiya nəhənglərinin rəhbəri olan Elon Musk, qısamüddətlik dünyanın ən zəngin adamı titulunu itirib. Belə ki, Forbes-in milyarderlər siyahısında dünyanın ən zəngin adamı ünvanını sahib olan Musk, qısa müddətəlik Bernard Arnault və ailəsindən geri qalıb. Qeyd edək ki, Bernard Arnault məşhur Louis Vuitton brendininin qurucusu hesab olunur və hal-hazırda o Elon-dan sonra 2-ci yerdə dayanır.
Dünyanın ən zəngin adamı olan Elon Musk niyə görə bu titulu itirib?
Son günlərdə gündəmdən düşməyən Elon Musk, Twitter sosial şəbəkəsini 44 milyard dollara alması ilə sərvətinin bir qismi azalsa da, hələ də Forbes jurnalında dünyanın ən varlı adamı olaraq qalırdı. Lakin gecə saatlarında Musk qəfildən dünyanın ən varlı adamı titulunu itirib. Bu hadisə qısamüddətlik olsa da, buna səbəb Tesla səhmlərinin ucuzlaşması olmuşdu. Qeyd edək ki, şirkət ötən günlərdə Tesla Semi modelinin satışına başlamışdı. Hətta elektrikli yük maşınını alan ilk şirkət Pepsi olmuşdu.
Ümumiyyətlə Forbes bildirir ki, Tesla, Sapce X və Neuralink hətta Twitter şirkətlərinin sahibi olan Elon, 2021-ci ilin sentyabrından etibarən dünyanın ən varlı adamı siyahısında birinci yerdədir. Belə ki, o, Amazon şirkətinin qurucusu olan Jeff Bezos-u ötərək liderliyi ələ keçirmişdi.
Məşhur Forbes jurnalına görə dünyanın ən zəngin 5 adamı:
- Elon Musk (ABŞ) – 184,9 milyard dollar
- Bernard Arnoult və ailəsi (Fransa) – 184,7 milyard dollar
- Gautam Adani (Hindistan) – 134,8 milyard dollar
- Ceff Bezos (ABŞ) – 111,3 milyard dollar
- Warren Buffet (ABŞ) – 106,2 milyard dollar
