Logitech G PLAY çərçivəsində Azərbaycanda gaming icmasını bir araya gətirən xüsusi tədbir 3 oktyabr tarixində Crescent Mall-da baş tutub. “Играй на прорыв. Играй на максимум.” mesajı ilə keçirilən tədbirdə iştirakçılar Logitech G cihazlarını real oyun şəraitində sınayıb, müxtəlif interaktiv fəaliyyətlərdə və komanda yarışlarında iştirak ediblər.
Tədbirin əsas hissəsini influenserlərin öz izləyiciləri ilə birlikdə iştirak etdiyi gaming yarışı təşkil edib. Gərgin mübarizənin sonunda Yuspace və Texnojurnal komandası birinci yerə, digər influenserlərdən ibarət komanda isə ikinci yerə layiq görülüb.
Tədbir iştirakçılara həm müxtəlif oyunlarda rəqabət aparmaq, həm də Logitech G avadanlıqlarını real oyun ssenarilərində sınamaq imkanı yaradıb. Yarışın qalibləri və iştirakçıları üçün müxtəlif hədiyyə və mükafatlar da təqdim olunub.
Logitech G PLAY qlobal miqyasda oyunçuları, kontent yaradıcılarını və gaming icmasının digər iştirakçılarını bir araya gətirən tədbir seriyasıdır. 2026-cı il proqramında qlobal tədbirlərlə yanaşı, müxtəlif ölkələrdə yerli icmalar üçün xüsusi gaming təcrübələri də təşkil olunur. Həmçinin bildiriik ki, 11 oktyabr tarixinədək ölkənin aparıcı elektronika mağazalarında Logitech G məhsullarına 25%-dək xüsusi endirimlər tətbiq olunur.
