Məzmuna keç

Alim Qasımovdan Tedroid-də eksklüziv açıqlama

Alim Qasımov Tedroid-də eksklüziv açıqlama verib. GTA 6-dakı "Say It Right" mahnısı Rockstar Games ilə rəsmi əməkdaşlıq çərçivəsində istifadə olunur.

Alim Qasımovdan Tedroid-də eksklüziv açıqlama
Mündəricat (2)
  1. Alim Qasımov Rockstar ilə necə əməkdaşlıq edib?
  2. Mahnı GTA 6-da harada səslənir?

Xalq artisti Alim Qasımovdan Tedroid-də eksklüziv açıqlama. Muğam ustası GTA 6-da səslənən "Say It Right" mahnısının təsadüfi deyil, Rockstar Games ilə rəsmi əməkdaşlıq nəticəsində oyuna düşdüyünü təsdiqləyib. Bu açıqlamayı Alim Qasımovun rəsmi Instagram hesabı Tedroid-in GTA 6 paylaşımına yazdığı şərhdə verib.

alimqasimov_official ✔ Əziz izləyicilərimiz, mahnı Rockstar Games-lə əməkdaşlığımız çərçivəsində rəsmi olaraq istifadə olunur!
Alim Qasımovun Tedroid-in Instagram paylaşımına yazdığı şərh

Alim Qasımov Rockstar ilə necə əməkdaşlıq edib?

Qasımov bir gün əvvəl, noyabrın 18-də öz səhifəsində "Mahnımız GTA 6-da!" başlığı ilə video paylaşıb. Paylaşımda deyilir ki, qızı Fərqanə Qasımova ilə birgə oxuduqları "Say It Right" mahnısı Rockstar Games-in yaratdığı Grand Theft Auto VI oyununda istifadə olunur və bu, Rockstar ilə rəsmi əməkdaşlıq çərçivəsində həyata keçirilib.

Paylaşımda layihənin arxasındakı komanda da göstərilib. Tərəfdaş kimi Rockstar Games-in adı çəkilir. Əməkdaşlıq üzrə layihə icraçıları ilkinrobin və youngcaseyme, mahnının yeni düzənləməsi isə feridmerd tərəfindən hazırlanıb. Video bir gündə 700-dən çox bəyənmə toplayıb, şərhlərdə isə izləyicilər Azərbaycan musiqisinin dünyanın ən böyük oyununda səslənməsini təbrik edirlər.

InMerge 2026 — məqalə içi

Mahnı GTA 6-da harada səslənir?

Nelly Furtado-nun məşhur "Say It Right" mahnısının muğam versiyası oyundakı Kaleidoscope FM radiosunda yer alır. Bu radio dünyanın müxtəlif ölkələrindən olan sənətkarların məşhur mahnılara hazırladığı ifaları səsləndirir, aparıcısı isə Oskar mükafatı qalibi Jeremy Irons-dur. GameSpot-un idarəedici redaktoru Tamoor Hussain Qasımovların ifasını oyunun ən yaxşı mahnısı adlandırıb. Rockstar-ın musiqi üzrə vitse-prezidenti Ivan Pavlovich-in sözlərinə görə, radionun ideyası studiyanın həmtəsisçisi Sam Houser-dən gəlib. Ətraflı məlumatı bu xəbərdə oxuya bilərsiniz.

Alim Qasımov konsertdə muğam ifa edir

Mənbə Alim Qasımov (Instagram)