Məzmuna keç

GTA 6 yaradıcıları Alim Qasımovun ifasını belə tapıb

GTA 6 yaradıcıları Alim Qasımovun "Say It Right" ifasını ANS-də yayımlanan videodan tapıb. Müqavilə 2025-ci ilin avqustunda imzalanıb.

GTA 6 yaradıcıları Alim Qasımovun ifasını belə tapıb
Mündəricat (2)
  1. Rockstar ifanı harada görüb?
  2. Alim Qasımov GTA 6 barədə nə deyir?

GTA 6 yaradıcıları Alim Qasımovun "Say It Right" ifasını televiziyada yayımlanan videodan tapıb. Bunu xalq artistinin köməkçisi İlkin Robin Oxu.Az-a açıqlayıb. Onun sözlərinə görə, Rockstar Games-in təsisçilərindən biri ifanın videosuna baxıb və mahnını yeni oyunda istifadə etməyi təklif edib.

Rockstar ifanı harada görüb?

Nelly Furtado-nun "Say It Right" mahnısının muğam versiyası illər əvvəl "Bizimkilər" layihəsi çərçivəsində hazırlanıb və ilk dəfə ANS telekanalında yayımlanıb. Rockstar məhz bu videonu görüb Alim Qasımovun komandası ilə əlaqə saxlayıb. İlkin Robin-in sözlərinə görə, danışıqlar 2025-ci ilin iyununda başlayıb, uzun müzakirələrdən sonra avqustda rəsmi müqavilə imzalanıb. Bundan sonra komanda musiqini hazırlayıb Rockstar-a göndərib.

"Rockstar Games"in qurucularından biri bizə təklif etdi ki, belə bir mahnı görüblər. İlkin Robin

İlkin Robin bildirib ki, müqavilədə həm Alim Qasımovun, həm də Fərqanə Qasımovanın razılığı var. Onlar mahnının bütün platformalarda yayımlanmasına rəsmən icazə veriblər.

InMerge 2026 — məqalə içi
Alim Qasımov konsertdə muğam ifa edir

Alim Qasımov GTA 6 barədə nə deyir?

Alim Qasımov Oxu.Az-a hüquqlarının pozulmadığını və hər şeydən xəbərdar olduğunu deyib. Xanəndə həmçinin qeyd edib ki, ömründə ilk dəfədir hansısa jurnalist onu uğuruna görə təbrik edir. Qasımov bundan əvvəl Tedroid-də eksklüziv açıqlamasında da mahnının Rockstar Games ilə rəsmi əməkdaşlıq çərçivəsində istifadə olunduğunu təsdiqləmişdi.

Mahnı oyundakı Kaleidoscope FM radiosunda səslənir. Bu radio müxtəlif ölkələrdən olan musiqiçilərin məşhur mahnılara hazırladığı qeyri-adi versiyaları yayımlayır. GameSpot isə Qasımovların ifasını oyunun ən yaxşı mahnısı adlandırıb.

Mənbə Oxu.Az