Texnologiya sahəsində qadınların rolunu gücləndirməyi hədəfləyən “Girls Code” təşəbbüsü, Back-end və Data istiqamətləri üzrə karyera qurmaq istəyən xanımlar üçün yeni təqaüd proqramına start verdiyini elan edir.
Proqram çərçivəsində 30 nəfər xanıma 3000 AZN-dək təhsil təqaüdü təqdim olunacaq. Təşəbbüsün əsas məqsədi xanımların proqramlaşdırmanın ən tələb olunan sahələrindən olan Back-end və Data analitikası üzrə dərin biliklərə və praktiki bacarıqlara yiyələnməsini təmin etməkdir. Təqaüd proqramı qaliblərin təhsil haqqını tam və ya 50% həcmində qarşılamaqla onların peşəkar inkişafına güclü təkan verəcək.
Seçim mərhələsi imtahan formatında keçiriləcək və ən yüksək nəticə göstərən 30 namizəd ölkənin qabaqcıl tədris mərkəzlərindən olan “Matrix Academy”-də aşağıdakı iki istiqamətdən birində təhsil almaq hüququ qazanacaq:
- Python ilə Alqoritmlər və Data Strukturlar
- Node.JS ilə Back-end Proqramlaşdırma
“Girls Code” təşəbbüsünün məqsədi texnologiya sahəsində gender bərabərliyini təşviq etmək və xanımlara karyeralarının ilk addımlarında real dəstək göstərməkdir. Bu təqaüd proqramı ilə sadəcə təhsil xərcləri qarşılanmır, eyni zamanda rəqabətədavamlı mütəxəssis kimi lazımi resurslar və mühit yaradılır.
Tədris proqramı iştirakçıları nəzəri biliklərlə yanaşı, real layihələr üzərində işləyərək praktiki təcrübə toplamaq imkanı da əldə edəcəklər. Məzunlar proqramın sonunda İT bazarının tələblərinə tam cavab verən bacarıqlara sahib olacaqlar.
Müraciət üçün son tarix: 30 sentyabr 2025-ci il.
Proqramda iştirak etmək və müraciət qaydaları haqqında daha ətraflı məlumat üçün aşağıdakı keçiddən istifadə edə bilərsiniz: https://register.matrixacademy.edu.az/nodescholarship
