Görünənin arxasındakı mövzulardan bəhs edən filmlərin izləyiciyə təsiri böyük olur. Xüsusilə bu tərz filmlər keyfiyyət baxımından yüksək olduqlarına görə də ən sevimli filmlərimiz siyahısına daxil olurlar. Bu cür ruhani (spiritual) filmlərə baxarkən hamımız personajın bənzərsiz təcrübələrini yaşamaq, onun xüsusiyyətlərinə sahib olmaq və ya onları çıxdıqları yolda tək qoymayan xarakterlərinə sahib olmaq istəyirik. Amma onların yaşadıqları problemləri, daxili konfliktləri görəndə başa düşürük ki, personajın həyatı heç də asan deyil. Sizi iç dünyanızla baş-başa buraxacaq bu 4 ruhani film ən sevimli filmləriniz siyahısına daxil ola bilər. Xoş izləmələr!
The Legend of Bagger Vance
Janr: Dram, Fantastika, İdman
İl: 2000
Rollarda: Will Smith, Matt Damon, Charlize Theron
Rejissor: Robert Redford
IMDb: 6.7
Əsas mövzusu qolf idmanı və gerçək dostluq olan bu ruhani film qolf idmanını sevməyənlərin də ən sevdiyi filmlərdən biri ola bilər. Rejissoru Robert Redford olan filmdə Matt Damon, Charlize Theron və Will Smith rol alır. Filmdə Bagger Vance (Will Smith) müharibədən sonra maddi və mənəvi böhran keçirən Rannulph Junuh-un (Matt Damon) köhnə günlərinə qayıtmasına kömək edir. 1931-ci ildə qolf turnirində iştirak edən keçmiş qolfçu (Matt Damon) qəfildən peyda olan Bagger Vance (Will Smith) dəstəyi ilə köhnə şöhrətli günlərindəki kimi performans göstərməyə başlayır.
Field of Dreams
Janr: Dram, Ailə, Fantastika
İl: 1989
Rollarda: Kevin Kostner, Rey Liotta, Emi Madigan
Rejissor: Phil Alden Robinson
IMDb: 7.5
Ailəsi ilə birlikdə əkinçiliklə məşğul olan adam, 1919-cu il dünya kubokunda oynaması qadağan edilən Chicago White Sox komandasının yeddi oyunçusunun ruhlarından səslər eşidir. Ətrafındakı bütün etirazlara baxmayaraq, qarğıdalı tarlasını beysbol meydançasına çevirir. Çünki düşünür ki, əgər beysbol meydançasını qurarsa həmin oyunçular geri gələcək.
K-PAX
Janr: Dram, Elmi-fantastik
Şəhər: 2001
Rollarda: Kevin Spacey, Jeff Bridges
Rejissor: Iain Softley
IMDb: 7.4
Psixi xəstəxana filmləri əksər izləyicilərin sevəcəyi mövzular ortaya çıxarmağı bacarır. K-Pax da belə filmlərdən biridir. Sona qədər qoruduğu sirrlə sizi maraqla izləməyə vadar edəcək. Adının Prot olduğunu deyən sirli adam K-Pax adlı planetdən olduğunu iddia etdikdən sonra sağlamlıq mərkəzinə aparılır. Özünə güvənən davranışı ilə həm psixiatrı, həm də digər xəstələri öz təsiri altında saldıqdan sonra isə işlər dəyişməyə başlayır. Psixi xəstəxanada baş verənlərdən bəhs edən bu ruhani film sizin sevəcəyiniz filmlərdən ola bilər.
Cashback
Janr: Komediya, Dram, Romantika, Fantastika
İl: 2006
Rollarda: Sean Biggerstaff, Emilia Fox
Rejissor: Sean Ellis
IMDb: 7.1
2004-cü ildə qısametrajlı film olaraq bəyənildikdən sonra 2006-cı ildə bədii ruhani film olaraq qarşımıza çıxan Cashback zaman mövzusu ilə mənalı filmlərdən biridir. Arzusu rəssam olmaq olan gənc yuxusuzluqdan əziyyət çəkməyə başlayır. Özünü məşğul etmək üçün o, bir ərzaq mağazasının gecə növbəsində işləməyə qərar verir. Bu ağır yuxusuzluğun təsiri ilə zamanı dayandırma qabiliyyətini kəşf edir.
Bu filmləri izlədikdən sonra yenidən izləməyə film tapmasanız nəfəs almadan izləyəcəyiniz filmlər siyahımıza da baxa bilərsiniz!
