Microsoft şirkəti Windows 11 əməliyyat sisteminin virtual mühitdə işləməsinə imkan yaratmaq üçün Parallels ilə yeni tərəfdaşlıq elan edib. Beləliklə, Windows 11 əməliyyat sistemi Apple şirkətinin M1 və M2 prosessorlu yeni nəsil Mac modellərində işləyəcək. Microsoft şirkəti Windows 11 əməliyyat sisteminin Arm versiyalarını Apple şirkətinin ən son M1 və M2 prosessorlu Mac kompüterlərində Parallels Desktop (Versiya 18) vasitəsilə işə salmağın mümkün olacağını açıqlayıb. Standart istifadəçi üçün bu çox məna kəsb etməsə də, iş üçün Windows əməliyyat sisteminə ehtiyacı olan peşəkarlar üçün çox vacibdir.
Bu bir çoxları üçün xoş xəbər olsada gözlənildiyi kimi, bəzi məhdudiyyətlər var. 32 bitlik ARM proqramlarını virtuallaşdırılmış Windows 11 əməliyyat sistemi ilə işlətmək mümkün deyil. Çünki Microsoft şirkəti bütün ARM Windows quruluşları üçün 32 bitlik proqram təminatı dəstəyini ləğv etmişdir. Qeyd edək ki, əməliyyat sistemini istifadə etməzdən quraşdırmanı planlaşdırdığınız cihazların Windows 11 ARM drayverlərinə sahib olduğunu yoxlamaq lazımdır.
Bundan əlavə, Parallels Desktop 16.5 versiyası ilə Windows əslində M1 çiplərində dəstəklənirdi, lakin yeni versiya ilə Windows 11 əməliyyat sistemini bir kliklə quraşdırmaq mümkündür. Parallels, həmçinin Apple silikonu ilə birləşdirilmiş virtual TPM ilə Windows 11 əməliyyat sisteminin TPM və Secure Boot tələblərinin mürəkkəbliyinə asanlaşdırır. Qeyd edək ki, bəzi oyunlar OpenGL 3.3 və yuxarı versiyalardan istifadə edərsə işləməyəcək.
