Xanımların texnologiya sahəsində iş və karyera imkanlarını artırmaq, eyni zamanda onların rəqəmsal bacarıqlarını inkişaf etdirmək məqsədilə “Girls Code” təqaüd proqramı elan olunub. Proqram çərçivəsində 50-dən artıq qadına 3000 AZN dəyərində tam və qismən təqaüdlə təhsil imkanı təqdim ediləcək.
Təqaüd proqramı həm sıfırdan İT sahəsində karyera qurmaq istəyən, həm də bir sıra təməl bilikləri olub inkişaf etmək istəyən xanımlar üçün nəzərdə tutulub.
Aşağıdakı istiqamətlər üzrə 0-dan təqaüdlü təhsil almaq mümkündür:
- Front-End Proqramlaşdırma – 7 ay
- Data Science – 6 ay
- Android Proqramlaşdırma – 7 ay
- SQL + PL SQL – 5 ay
- Qrafik Dizayn – 6 ay
- UX/UI Dizayn – 6 ay
Təməl biliklərə sahib olan xanımlar üçün isə aşağıdakı sahələr üzrə təqaüd imkanı mövcuddur:
- Machine Learning – 3 ay
- Java EE & Spring – 4 ay
- JavaScript Texnologiyaları – 4 ay
- PL SQL – 3 ay
Qeyd edək ki, təqaüd proqramına müraciət üçün son tarix 25 may 2025-dir. Seçim prosesi əvvəlcə imtahan, daha sonra isə infosessiya mərhələsindən ibarət olacaq.
Proqramı uğurla başa vuran iştirakçılar rəqəmsal sektorda iş və karyera imkanlarından yararlana biləcəklər. Müraciət etmək və ətraflı məlumat almaq üçün daha ətraflı aşağıdakı düyməyə toxunaraq məlumat ala bilərsiniz.
