X sosial platforması istifadəçilərin məxfilik pozuntuları ilə bağlı müraciət edə bilməsi üçün Azərbaycan dili dəstəyini əlavə edib.
Platformanın Yardım Mərkəzində yerləşən “Məxfilik pozuntuları olan məzmunu şikayət edin” bölməsində artıq Azərbaycan dilini seçmək mümkündür. Bununla da istifadəçilər şəxsi məlumatlarının icazəsiz paylaşılması kimi halları öz dillərində izah edərək şikayət göndərə bilərlər.
Müraciət zamanı ad, soyad, X hesabının istifadəçi adı və elektron poçt ünvanı qeyd olunmalıdır.
Yenilik azərbaycandilli istifadəçilərin məxfiliklə bağlı şikayət mexanizminə çıxışını asanlaşdırır və müraciətlərini daha aydın ifadə etmələrinə şərait yaradır.
