Huawei şirkəti P50 seriyasını təqdim etməsindən bu yana 1 ildən çox vaxt keçib. Huawei şirkəti bu seriyanı 2021-ci ilin avqust ayında təqdim etmiş olub, ötən il Huawei P60 seriyasını bazra çıxarmamışdı. Görünür şirkət hələ də P seriyasını davam etdirmək niyyətindədir. Sızıntılara görə Huawei şirkətinin P60 seriyası bu ilin mart ayında təqdim ediləcək. İddia edilir ki, P60 Pro modeli 120 Hz yenilənmə sürətinə malik 6.6 düymlük 2K (1440x3200p) OLED ekran paneli ilə təhciz olunacaq. Eyni ekran panelinin sadə P60 modelində olub olmayacağı məlum deyil.
Kamera parametrləri baxımından P60 Pro modelində IMX888 50MP əsas, OV64B 64MP telefoto və 50MP ultra-geniş bucaqlı kamera işlədiləcək.
İki telefondakı kameralar da XMAGE texnologiyası ilə gücləndirilmiş olacaq. İddialara görə, Mate 50 Pro modelində olan aktiv dəyişə bilən diafraqma hər iki telefonda işlədiləcək. Lakin P60 modelində kamera sensorları daha fərqli olacaq. Belə ki, bu cihazda IMX789 52MP əsas, IMX351 16MP telefoto və IMX858 50MP ultra-geniş bucaqlı kamera sensorları işlədiləcək.
P60 Pro modeli Snapdragon 8 Gen 2 çipsetinin 4G versiyasını əldə edəcək. 100 Vt simli və 50 Vt simsiz enerji doldurmasını dəstəkləyən 5500 mAs batareya ilə təchiz ediləcək. Qeyd edək ki, P50 Pro modelində Snapdragon 888 4G çipseti ilə bərabər 66Vt simli və 50Vt simsiz şarj təqdim edən 4360mAh batareya var idi. Yəni arada Snapdragon 8 Gen 1 çipsetli variant ötürülmüş olacaq. Ola bilsin ki, şirkət sadə P60 modelini məhz Snapdragon 8 Gen 1 çipseti ilə təqdim edə bilər.
Huawei P60 seriyası Mate 50 seriyasındakı bəzi xüsusiyyətləri qəbul edəcəyi gözlənilir. P60 seriyası cihazlar toza və suya davamlılıq üçün IP68 sertifikatına malik olacaq. Həmçinin, peyk rabitəsini dəstəkləyəcəklər. Huawei hələ rəsmi tarix təyin etməyib və hətta P60 seriyasının gələcəyini təsdiqləməyib, lakin mart hədəfi doğrudursa, tezliklə rəsmi məlumatları görməyə başlayacayıq.
