Ötən gün Huawei şirkəti EMUI 13 interfeysini təqdim edib. Belə ki, bu interfeys HarmonyOS 3 əməliyyat sisteminə bənzəyən müxtəlif yeni funksiyaları özündə birləşdirir. Bu o deməkdir ki, Huawei smartfonuna sahib istifadəçilər HarmonyOS əməliyyat sistemindəki bir çox xüsusiyyəti bu yeniləmə ilə əldə edəcəklər. EMUI 13 ilə müqayisədə yeni interfeys demək olar başdan yaradılıb. Tamamilə yeni istifadəçi təcrübəsi və keçmiş versiyada olmayan xüsusiyyətlərlə qarşılayacaq.
Ən diqqət çəkən təkmilləşdirmələrdən biri ölçüsü dəyişdirilə bilən böyük vidjet qovluqlarına aiddir. İndi əlçatanlığı artırmaq üçün böyük vidjet qovluqlarını müxtəlif ölçülərdə genişləndirə, böyüdüb kiçildə bilərsiniz.
Yeni gələn super mərkəz kimi bir xüsusiyyət isə xüsusilə ekosistem fayllarını paylaşmaqda istifadəçi təcrübəsini sadə və sürətli edəcək. EMUI 12 interfeysində Device+ təcrübəsindən sonra Huawei, nəhayət, qlobal telefon istifadəçiləri üçün Super Device xüsusiyyəti ilə yeni interfeysini təchiz edib. Bu unikal əlavə, sizə telefon vasitəsilə bütün ağıllı cihazlarınızı idarə etməyə kömək edəcək.
Yenilənmədə əyləncə və mobil fotoqrafiya imkanlarının artırılması üçün yeni kamera xüsusiyyətləri və musiqi paylaşımı xüsusiyyətləri də var. Ən diqqət çəkən yenilik isə SuperStorage funksiyasısıdır ki, dublikat faylları yığmaq və daha az istifadə olunan proqramları sıxışdırmaqla 20 GB-a qədər yaddaş yerini təmizləməyi iddia edir.
EMUI 13 təhlükəsizlik cəhətdən də güclü olacaq. Yeni məxfilik və təhlükəsizlik mərkəzi ilə smartfonun təhlükəsizliyi ilə artırılacaq. Həssas məlumatların silinməsi aləti ilə smartfondan göndərdiyiniz ən xırda bir məlumatda belə qeyd olunan şəxsi məlumatlar qarşı tərəfə silinərək göndəriləcək. Məsələn, çəkdiyiniz şəklin məkan məlumatları qarşı tərəfə silinərək göndəriləcək.
Məxfiliyə gəldikdə isə, Huawei şirkəti istifadəçilərini virus ehtiva edən proqramlardan uzaq tutmağa çalışmaq üçün maksimum diqqət yetirib. Bundan əlavə, istifadəçilər tətbiqlərin öz şəxsi məlumatlarına nə qədər tez-tez daxil olduqlarını öyrənə biləcəklər.
