Microsoft şirkəti Windows 11 ilə birlikdə Microsoft WSA (Android üçün Windows Alt Sistemi)-ni də təqdim etmişdi. Burada əsas məqsəd müxtəlif inteqrasiyalar vasitəsilə iki əməliyyat sistemini bir-birinə yaxınlaşdırmaq idi. İndi isə şirkət, yeni Android dəstəyinin yolda olduğunu təsdiqləyən WSA üçün yeniləmə planını yayımlayıb. Xatırladaq ki, Android 13 əməliyyat sistemi “Tiramusu” kod adı ilə təqdim olunmuşdu və bu ad da qaynaq kodlarında görünüb.
Android 13 Windows əməliyyat sisteminə hansı yenilikləri gətirəcək?
Microsoft Windows əməliyyat sisteminə Android 13 ilə bir sıra faydalı yeni funksiyalar əlavə etmək istəyir. Android alt sistemi və Windows arasında asan fayl ötürülməsi də bu yeniliklərdən biridir. Bu yenilik ilə telefonunuz və kompüteriniz arasında faylları paylaşmaq sürüşdürüb buraxmaq qədər asan olacaq. Ən əsası isə Android 13 dəstəyi ilə birlikdə tətbiqlərin normal Windows tətbiqləri kimi ayrı-ayrı pəncərələrdə işləyə bilməsi mümkün olacaq. Microsoft-un GitHub səhifəsində “Gələcəyin Yol Xəritəsi” bölməsində “Fayl Transferi”, “Yerli Sahəyə Giriş” və Windows-da istifadə edildikdə Android proqramlarına yeni ağıllı funksiyalar gətirəcək bir sıra digər təkmilləşdirmələr də sadalanır.
Android 13 yeniliyinin bir sıra müsbət tərəflərə sahib olsa da, mənfi tərəfləri də var. Belə ki, bunlardan biri lazımsız proqramların bütün Microsoft mağazasında olmasıdır. Bunu yuxarıdakı şəkildə də aydın görə bilərsiniz. Mağaza Android ilə gələn saxta və lazımsız proqramlarla doludur. Bunun qarşısını ala bilmək üçün Microsoft öz mağazasına daxil olan tətbiqləri təsdiqləmək və ya rədd etmək üçün komanda yarada bilər. Qeyd edək ki, Android alt sistemi və onunla əlaqəli funksiyalar müəyyən bazarlarla məhdudlaşsa da, 2023-cü ilin əvvəlində daha geniş bazarlara yayılması gözlənilir.
