Windows 12 Microsoftun ötən gün keçirdiyi Ignite 2022 tədbirində səhvən paylaşılıb. Tədbir əsasən Microsoft 365 ilə bağlı xəbərlərlə dolu idi. Bununla belə, rəsmi elanlardan başqa şirkət yanlışlıqla fərqli bir Windows interfeysini paylaşıb. Məhz bundan sonra bir çox insan Microsoft-un təsadüfən yeni Windows interfeysinin önizləməsini paylaşdığını düşünür.
Windows 12 hansı yeniliklərə sahib olacaq?
2021-ci ilin əvvəllərində Windows 11 əməliyyat sisteminin yeni versiyasını əldə etmək belə uzaq görünürdü. Lakin şirkət əməliyyat sistemini sürətlə inkişaf etdirərək Windows 11 əməliyyat sisteminin sürətlə yayılması və əlçatan olmasını təmin etdi. Windows 11 uzunömürlülüyü ilə bağlı çox ümid vermədiyi üçün hər halda onun varisinin gec-tez gələcəyi ümid edilirdi. Ötən gün səhvən paylaşıldığı iddia olunan yeni interfeys bəzi yeniliklərlə diqqətləri cəlb edib.
Windows 12 interfeysinin tapşırıqlar panelinin qeyri-adi dizaynı konfrans auditoriyasının diqqətini cəlb edib. Yeni panel adi xətlər əvəzinə macOS və iPadOS-dakı interfeysə bənzəyəcək. Bu dizayn dəyişikliklərinin həm toxunma ekranı, həm də klassik klaviatura/siçan kombinasiyası ilə istifadəsi üçün nəzərdə tutulub. Bu dəyişikliklərin Windows interfeysini universal etmək üçün layihənin bir hissəsi olduğu düşünülür. Şəkilə görə, Microsoft bu əməliyyat sistemi yeniləməsində tapşırıq panelinin kənarını yuvarlaqlaşdıracaq və tarix, şəbəkə, şarj səviyyəsi məlumatlarını ehtiva edən sistem nişanları yuxarı sağ küncə göndərəcək. Sürətli axtarış çubuğu isə yuxarı orta hissədə yerləşdiriləcək. Digər tərəfdən, gizli prototip istifadəçi interfeysinin Microsoft rəsmi təqdimatına necə daxil olduğu maraq mövzusu olub.
