Startaplarla müsahibə rubrikamızın timsalında, sizlərə bu gün də iomete startapı barəsində bəhs edəcəyik. Startap ekosistemini izləyənlər iomete startapını böyük bir ehtimalla indiyə qədər eşidiblər. Çünki, iomete startapı Azərbaycanın qlobal miqyasda səs gətirən ən mühim startaplarından biridir. Bunun birinci səbəbi Silikon Vadisində yerləşən dünyaca məşhur Y Combinator startap akseleratoruna qəbul olub 500 000$, ümumilikdə 1.5 milyon dollar investisiya almış ilk Azərbaycan startapı olmasıdır. Hansı ki, Y Combinator 2005-ci ildən bu yana Reddit, Dropbox, Airbnb, Twitch, Quora, Coinbase, Stripe və.s kimi nəhəng şirkətlərə investisiya yatırmışdır.
İkinci səbəbi isə iomete startapının təklif etdiyi olduqca mühim xidmətdir. Startap, 2020-ci ildə həmyerlimiz Vüsal Dadalov tərəfindən təsis edilib və həmtəsisçisi Piet Jan de Bruin olmuşdur. Paylanmış sistemlər mühəndisi, proqramlaşdırma mütəxəssisi olan Vüsal Dadalov daha əvvəl Uber, Careem, OLX Group, Azercell Telecom kimi şirkətlərdə işləmişdir. Piet Jan de Bruin isə 200 milyon dollar gəlir əldə edən Tuft and Needle şirkətinin keçmiş baş icraçı direktoru olmuşdur.
Kaliforniya mərkəzli startapın əsas məqsədi şirkətlər üçün data və məlumat infrastrukturunu effektiv formada təşkil etməkdir. Xüsusi strukturlaşdırılmış sorğu dili hesabına petabayt həcmində dataları saniyələr ərzində işləməyə imkan verir. Eyni zamanda platformanın sahib olduğu servislər dataları itki olmadan 5-20 dəfəyədək sıxışdıraraq xərcləri olduqca azaltmağa kömək edir. Süni intellekt və maşın öyrənməsi ilə məlumatların işlənməsinin asanlaşdırılması və təkmilləşdirilməsi həyata keçirilə bilir.
“iomete” həmtəsisçisi və baş icraçı direktoru – Vüsal Dadalov
“iomete” həmtəsisçisi – Piet Jan de Bruin
– “iomete” startapı hansı işi görür? Qısa olaraq startapınızı necə təsvir edə bilərsiniz?
iomete böyük data analitikası platformasıdır. İri həcimli məlumatlarla (data) ilə çalışan shirketler üçün, məlumatların saxlanılması ve analitikası imkanı verən bir həlldir.
– Startapınızın əsas məqsədi nədir?
Zaman keçdikcə data bizneslər üçün ən vacib asset-e çevrilir. Biz transparent ve low-cost təklif ilə data və verilənlər platformasını hamı üçün əl çatan edirik.
– Növbəti 3 ildə startapınızla bağlı planlarınız nələrdir?
Əsas hədəf əlbəttə ki, inkişaf etməkdir. Hal-hazırda əsas hədəmiz Amerikadır. Hal-hazirda müştəri sayımızı artırmağa və platformanın imkanlarını genişləndirmək üzrə çalışırıq
– Digər startap təsisçilərinə hansı tövsiyyələriniz var?
1-ci gündən satış haqqında düşünmələrini tovsiyye edirəm. Daha sonra da yenə satış, satış və satış. Paralel olaraq 10 qat daha yaxşı məhsul ortaya qoymağa fokuslandığınız marketə yönəlməyiniz məsləhətdir.
– Sizi ilhamlandıran şəxs kimdir? (Elon Musk, Steve Jobs, və.s)
Əslində deyə bilmirəm konkret bir adam mənim üçün ilham mənbəyidir. Startap dünyasında bir çox insan var və hər birinin müəyyən tərəfi/tərəflərimənim üçün ilham mənbəyidir. Elon Musk-ın mükəmməl marketinq və pr. qabiliyyəti, Steve Jobs-un mükəmməl məhsul yaratmaq/marketinq ve təqdim etmə qabiliyyəti və.s
