Ötən il dekabr ayında Bakıda Korporativ İnnovasiya sahəsinə həsr olunmuş İnnovasiya Sammiti baş tutmuşdu. Olduqca maraqlı keçirilən sammitdə Google şirkətinin innovasiyalar üzrə baş eksperti olan Dr. Frederik G. Pferdt, o cümlədən London Biznes Məktəbi professoru Julian Birkinshaw, məşhur inkişaf və transformasiya eksperti Kaihan Krippendorff iştirak etmişdi. Sammitin həcmi xeyli böyük olduğundan yerli və beynəlxalq təşkilatlara aid 400-ə yaxın biznes və sanaye rəhbərini sammit çərçivəsində müşahidə etmək mümkün idi. Xüsusilə innovasiyanın biznesdə tətbiqi mövzusunda çox maraqlı fikirlər, nitqlər səsləndirilmişdi. İndi isə bu ilin dekabr ayı növbəti innovasiya sammiti bizi gözləyir.
13 dekabr tarixində ilin İnnovasiya Sammiti yenidən baş tutacaq!
PAŞA Holdinq tərəfindən təşkil edilən İnnovasiya Sammiti texnologiya sahəsində rəhbərləri, şirkətləri və startapları bir araya gətirmək məqsədi daşıyacaq. Gənc sahibkarlara dəstək göstərmək və qlobal miqyasda fəaliyyətlərini genişləndirməyin ön planda olacağı sammitdə, yerli innovasiya ekosisteminin inkişafı da əsas prioritetlərdən biri olacaq. Eyni zamanda yerli innovasiya ekosisteminin qlobal bazarda görünməsi artırılacaq.
Innovation Summit, “PASHA Holding” LLC
Baku Innovation Summit texnologiya sahəsində aparıcı şəxslər, şirkətlər və innovasiya həvəsində olan startapları Bakıda bir araya gətirmək məqsədilə “PAŞA Holding” və İnnovasiya və Rəqəmsal İnkişaf Agentliyi tərəfindən təşkil olunub. Öz sahəsində yeniliklərə imza atmaq, innovasiya ekosisteminin bir parçası olmaq və düzgün əlaqələr quraraq inkişafa keçmək istəyən hər kəs tədbirə dəvətlidir.
İnnovasiyadan geri qalmamaq üçün siz də bizə qoşulun!
Qeyd edək ki, biletlərin satışından əldə ediləcək gəlir regionlardakı gənclərin və regionlardakı əhalinin innovasiya, təşəbbüskarlıq, eyni zamanda bu kimi digər mövzularda inkişafı üçün xərclənəcək.
