Qazaxıstanın məşhur “fintech” şirkətlərindən biri olan Kaspi.kz şirkətinin səhmdarları səhmlərin ilkin kütləvi təklifi yəni IPO zamanı 1 milyard dollar cəlb ediblər. Bloomberg mənbəsinə görə investorlar qazaxıstanlı fintech-in 11.3 milyon dollar dəyərində olan depozitar səhmini hər səhm üçün 92.50 dollara satmağı bacarıblar. Habelə 17 yanvar tarixində Kaspi.kz NASDAQ birjasında ABŞ-da IPO mərhələsi elan edilmişdi. İlkin olaraq səhmlər 92.50 dollardan açılıb və IPO qiyməti 92 dollar olub.
Qeyd edək ki, Azərbaycanın ən çox ziyarət edilən elan saytlarından olan “turbo.az”, “tap.az”, “boss.az” və “bina.az”ın sahibi də məhz “Kaspi.kz”-nin əsas səhmdarlarından biri və şirkətin baş direktoru olan Mixail Lomtadze-dir. 47 yaşlı Gürcü vətəndaşının əsas səhmdarlarından biri olduğu Kaspi.kz indi Şimali amerika birjasında IPO zamanı 1 milyard dollar cəlb edib. Ümumiyyətlə “Kaspi.kz”nin ABŞ-da IPO keçirmək niyyəti 2023-cü ilin oktyabrında məlum olub. 2023-cü ilin dekabrında “Kaspi.kz” öz səhmlərini Amerikanın NASDAQ birjasında satmaq üçün müraciət edib. Habelə Kaspi.kz Qazaxıstan şirkəti NASDAQ-da yerləşdirildikdən sonra kapitallaşması $17,5 Milyard təşkil edib.
Ümumilikdə bu uğurdan ən çox şirkətin əsas səhmdarları əhəmiyyətli gəlir əldə edib ki, bu səhmdarlar arasında da, şirkətin baş direktoru Mixail Lomtadze, sədri Vyaçeslav Kim və Asia Equity Partners investisiya şirkəti yer alır. Maraqlısı budur ki, səhmdarların heç biri IPO zamanı əldə etdikləri gəlirləri yenidən şirkətə investisiya etməyib.
