Çinin ən böyük texnologiya nəhənglərindən biri olan Xiaomi nəhayət Çin smartfon bazarında Apple brendini ötərək liderliyi ələ alıb. Belə ki, şirkəti ötən ilin noyabr və may aylarında lider mövqedə qərarlaşıb. IT Nome mənbəsinin məlumatında görə, Xiaomi qeyd olunan tarixlərdə 16.5% bazar payı ilə çin smartfon bazarında ilk sırada dayanıb.
Daha da dərindən nəzər salsaq görərik ki, ötən ilin may ayında Xiaomi Çin smartfon bazarında 3.48 milyon smartfon tədarük edərkən, Apple çox cüzi fərqlə 3.36 milyon tədarük edib. Habelə Honor markası da 3.35 milyon göstərici ilə 3-cü sırada qərarlaşıb. Qeyd edək ki, Apple və Honor bazarda 15.9% paya sahib olub. Bundan əvvəl bildirilmişdi ki, ötən ilin 4-cü rübündə Apple smartfonları ümumilikdə 15 milyon dəfə aktivləşdirilib və şirkət birinci yerdə qərarlaşıb, habelə onun bazar payının 10% azaldığı da qeyd olunmuşdu. Digər tərəfdən də 11.8 milyon Xiaomi smartfonu aktivləşdirilsə də, şirkətin bazar payı ötən ilki göstəricilərə görə 38% artmışdı.
Ümumilikdə ötən ilki məlumatlara nəzər salsaq görərik ki, Xiaomi iyun ayından noyabr ayına qədər Çindəki smartfon satışlarında liderlik edib. Lakin Apple şirkəti noyabr ayında təqdim etdiyi iPhone 15 seriyası ilə rüb sonunda yenidən lider olmağı bacarmışdı. Habelə Amerikalı smartfon nəhəngi smartfon satışlarında Xiaomidən belə daha çox gəlir əldə edib.
