Daha əvvəl imkansız olduğu düşünülsə də, indi ABŞ-da polis məhz DNT əsasında yaradılan 3D modellər ilə şübhəlini təyin edir. Qeyd edək ki, bu üsul əsasən vaxtı keçmiş və ya dondurulmuş cinayət işləri üzərində tətbiq olunur. DNT əsasında yaradılmış 3D modelləri polis digər üz tanıma alətlərində istifadə edir və nəhayət sonda şübhəlinin kim olacağına dair məlumat əldə edir.
Qeyd edək ki, 2017-ci ildə Şərq körfəzindəki Park bölgəsində “başa çatmamış iş” üzərində işləyən detektivlərin ağlına sonunda bir ipucu və hətta Maria Jane Weidhofer cinayətinə dair kömək ola biləcək bir fikir gəldi. 1990-cu ildə Kaliforniyadakı Tilden parkında ölü halda aşkarlanan Maria Jane Weidhofer-in qatili 30 ilə yaxın müddət keçməsinə rəğmən aşkarlanmamışdı. Nəhayət 30 ildən sonra toplanan DNT məlumatları əsasında polis Parabon NanoLabs şirkətinə məlumat göndərdi. Məhz bu şirkət də xüsusi texnologiyalardan istifadə edərək Polisə şübhəlinin mümkün ola biləcək 3D üz modelini təqdim edib.
Maraqlısı budur ki, ABŞ-da polisin DNT əsasında yaradılan bu 3D modellər əsasında xüsusi üz tanıma alətlərindən istifadə etməsi qadağan hesab olunurdu. Lakin bir dedektiv 2020-ci ildə ilk dəfə bu 3D modelini üz tanıma alətləri vasitəsi ilə təhlil edib. Hətta bu məlumat daha sonra ortaya çıxdıqda böyük mübahisələrə də səbəb olmuşdu. Çünki polis bu texnologiyadan icazəsiz istifadə etməklə insanların haqlarını pozmuş olurdu. Habelə DNT əsasında qurulan bu 3D üz modelləri 100% dəqiqlikdə olmadığı üçün şübhəlinin yanış təqdim edilməsinə də yol aça bilər. İcazəsiz istifadə olunan 3D modeli isə kifayət qədər etibarlı olmadığı üçün sübut kimi qəbul edilməmişdi.
