Netflix-in bu günə qədər ən çox pul xərclədiyi serial olan Sandman serialı artıq Netflix ekranlarındadır. Komiksləri ilə dünyada məşhurlaşan Sandman serialı bu gün yayımlanır!
Artıq komikslər əsasında çəkilmiş filmlər və ya serialların olmasına öyrəşmişik. Gördüyümüz maraqlı film-serial ideyalarının çoxu ya komikslərlə bağlantılıdır ya da elə onların əsasında çəkilir. Netflix-in bu günə qədər ən bahalı serialı olacaq Sandman üçün də eyni situasiya keçərlidir. DC-nın daha mürəkkəb və böyüklər üçün hekayələr nəşr edən alt nəşriyyat evi Vertigo etiketi ilə buraxılan Sandman qlobal fenomenə çevrilə biləcək qədər yaxşı idi. O qədər yaxşı idi ki, bir çox yeni serial və personajların doğulmasına da səbəb oldu. Debütündən bəri bu seriyanın bir serialı çəkilsəydi, necə olacağı ilə bağlı fikirlər dolaşırdı. Bu sualın cavabını tezliklə alacağıq.
Sandman kimdir?
Komikslərin təzə çıxdığı dövrlərində DC nəşriyyatı Betmenin uğurundan sonra yaşıl kostyumlu və qaz maskalı bir qəhrəman yaratdı. Oxucuları Sandman adlı bu personaja rəğbət bəsləsələr də, bu personaj heç vaxt həddən artıq populyar olmayıb. 90-cı illərdə isə ən böyük komikslərdən birinin əsasını qoydu.
1980-ci illərin sonlarında DC Sandman obrazını yeniləməyə qərar verdi. Bu iş üçün American Gods, The Graveyard Book, Stardust, Coraline, Children of Anansi kimi bir çox əsərlərdən tanıdığımız Neil Gaiman ilə razılaşdılar. Əslində, əvvəlki paraqrafda təsvir etdiyimiz personajın hekayəsi danışılacaqdı. Amma Gaiman tamam başqa bir konsepsiya ilə çıxış etdi və yeni bir Sandman ortaya çıxdı.
Netflix ekranlarında yer alan Sandman nədən bəhs edir?
Netflix tərəfindən yayımlanan treylere baxsaq, birinci sezonda komiksin birinci və ikinci cildində gördüyümüz personajları və hadisələri görürük. Beləliklə, serialda qarşılaşacağımız personajları tanımaq imkanımız olacaq. Hadisələr, treylerdə gördüyümüz kimi, sehrbaz Roderick Burgessin Dream’i həbs etməsi ilə başlayacaq. Komikslərdə 70 il stəkanın içində həbsdə qalan Dream (Tom Sturric) azadlığa çıxanda ondan oğurlanmış güclü və şəxsi əşyalarının intiqamını almaq istəyir. Amma təbii ki, hadisələr bununla yekunlaşmır.
Sandman 5 avqust 2022-ci il etibarı ilə artıq Netflix-dədir. Bəs siz bu serialı izləyəcəksiniz?
