Çin bu dəfə elektrik problemini kökdən həll etmək istəyir. Belə ki, Çin tarixin, o cümlədən dünyanın ən böyük külək türbini layihəsi üçün işə qoyulub. Çinin Ming Yang enerji şirkəti 22 MVt gücündə nəhəng külək türbini inşa etmək üçün artıq layihəyə başlayıb. Şirkətin sözçüsü bildirib ki, külək türbininin rotorunun diametri 310 metrdən çox olacaq. Metrik sistem əsasında bu nəhəng ölçünü təsəvvür etmək çətin ola bilər. Müqayisə üçün deyək ki, bu külək türbini Parisdəki Eyfel qülləsi kimi hündür olacaq. Ümumiyyətlə son dövrlərdə dəniz külək enerjisi sənayesi inanılmaz dərəcədə inkişaf edir. Hətta bu layihə də dəniz külək enerjisi sənayesinin inkişaf etməsini bir daha sübut edir.
Bildiyimiz kimi, külək enerji stansiyalarında daha çox enerji əldə edə bilmək üçün nəhəng külək türbinlərindən istifadə olunur. Lakin bu türbinin qabadları nə qədər hündür və nəhəng olarsa istehsal edilən enerji də bir o qədər çox olar. Çin isə tikməyi planladığı külək türbini ilə dünyada bir ilkə imza atacaq. Hazırda dünyadakı ən böyük külək türbini Goldwind şirkətinin GWH252-16MW turbinidir. Belə ki, bu turbinin rotor diametri 252 metr və süpürmə sahəsi təxminən 50.000 kvadratmetrdir. Ming Yang şirkətinin tikməyə çalışdığı külək türbini isə 22 MVt gücə, 310 metrdən çox rotor diametrinə və ən azı 75477 kvadratmetr süpürmə sahəsinə sahib olacaq.
Rotorun diametri 310 metr olsa da, türbinin qanadlarını sudan uzaq tutmaq üçün təxminən 10-15 metr hündürlük də lazım olur. Məhz buna görə də yeni külək türbini parisdəki Eyfel qülləsindən daha hündür ola biləcək. Qeyd edək ki, çinli şirkət hazırda layihəyə başlasa da, onu 2025-ci ildə bitirməyi planlayır. Yəni ən az iki il Goldwind şirkətinin GWH252-16MW külək türbini dünyanın ən nəhəngi hesab olunacaq.
