Samsung-un maraqla gözlənilən Galaxy S25 Edge smartfon modeli səssizcə təqdim edilib. Belə ki, seriyadakı “böyük qardaşlarından” texniki cəhətdən heç bir fərqi olmayan smartfon, batareya və kamera xüsusiyyətlərinə görə optimallaşdırılıb.
Qeyd edək ki, Samsung Galaxy S25 Edge modeli 5,8 mm qalınlığı ilə Galaxy S tarixində ən nazik telefon adını alır. Samsung, texniki tərəfdə böyük güzəştə getmədən işi incələşdirsə də, arxa kamera yuvası bu ölçüdən kənarda qalıb. 6.7 düymlük Dynamic AMOLED 2X ekrana sahib smartfon sadəcə 163 qramdır. Bundan əlavə, ekran tərəfində smartfon 120Hz yeniləmə tezliyinə və 2600 nit maksimum parlaqlıq ilə gəlir. Corning-in yeni təqdim etdiyi Gorilla Glass Ceramic texnologiyası ilk dəfə bu telefonda istifadə edilib. Bununla da smartfon 1metr hündürlükdən asfalta bənzər səthlərə ard-arda 10 dəfə düşməyə tab gətirə bilir.
Galaxy S25 Edge modelinin kamera tərəfində əsas sensor da 2x böyütmə təklif edir və adaptiv piksel texnologiyası ilə dəstəklənir. Bundan əlavə, kamera tərəfində 200MP OIS və 12MP telefoto kamerası yer alır. Hansı ki, bu kameralar smartfonun 8K 60 fps video çəkməsinə imkan verir. Qeyd edək ki, 25 Vt sürətli şarj dəstəkli smartfon 3900 mAs batareya həcminə sahibdir. Qiymət tərəfində isə 30 Maydan etibarən satışa çıxarılan smartfon bir çox fərqli bazarda fərqli qiymətlərə sahibdir. Bununla belə, yeni Galaxy S25 Edge modeli ABŞ bazarında 1100 dollardan başlayan qiymət ilə satışa çıxarılır. Samsung-un öz vətənində isə bu qiymət təxminən 1055 dollara qədər enə bilir.
