HONOR X9b bizlərə nə vəd edir?
Yeni smartfon seçərkən düşündüyümüz ilk şey təbii ki, büdcədir. Bəli, hamımız əla kamerası, qabaqcıl xüsusiyyətləri və premium dizaynı olan flaqman smartfona sahib olmaq istəyirik, lakin bu cür smartfonların qiyməti çox vaxt o qədər yüksək olur ki, çoxları çətin seçimlərlə üzləşir.
Sizin ehtiyaclarınızdan və gözləntilərinizdən çox şey asılıdır, çünki bugünkü smartfon bazarı bir çox variant təklif edir və onlardan bəziləri əslində həddindən artıq təsir edici xüsusiyyətlər təklif edə bilirlər. Bu telefonlardan biri də yeni HONOR X9b-dir. O, həmçinin flaqman cihazlarda belə olmayan bir çox funksiyalar qazanıb.
HONOR X9b modelinin qutusunda nələr var?
HONOR müştərisinin daim qayğısında olan bir brend kimi, qutu daxilində smartfon ilə birgə bütün modellərində olduğu kimi HONOR X9b modelində də şarj adapterini standart olaraq təklif edir. Adapterin yanında Type-C kabelimizin əksik olmadığını da bildirməliyik. Alışmışıq ki, sərfəli smartfonlar çox vaxt sadə görünüşə, plastik korpus və bəsitləşdirilmiş dizayn şəklində niş dizayn elementlərinə malikdir. Lakin bu, HONOR X9b ilə bağlı deyil. Smartfon təkcə özünü dəbdəbəli hiss etmək deyil, həm də istifadə rahatlığından həzz almaq istəyən insanlar üçün yaradılıb. Bütün bunlarla birlikdə smartfon həm də yüngüldür, bu, onu uzun müddət yorulmadan və narahat etmədən əldə tutmağa imkan verir, ona görə də uzun müddət filmlərə baxmaq və ya sadəcə sosial şəbəkələrdə gəzmək zövqlü olacaq.
HONOR X9b kənarlardan olduqca nazik korpusa malikdir. Cihaz ovuc içində daha yaxşı tutmağa kömək edən yuvarlaq kənarları ilə düşünülmüş dizaynla tamamlanır. Testlərimiz zamanı ikinci əlin köməyi olmadan cihazın ekranını bütün perimetr ətrafında asanlıqla idarə etməyə imkan verdiyini müşahidə edirik.
Yaxşı düşünülmüş erqonomika ilə yanaşı, smartfon metal, şüşə və veqan dəri kimi premium materiallardan hazırlanmış korpusa malikdir. Bu da cihazla qarşılıqlı əlaqə zamanı toxunma hissini artırır. Qeyd etmək lazımdır ki, eko-dəri örtük yalnız flaqman cihazlarda mövcuddur, buna görə də orta büdcə seqmentində bir modeldə olması sevindirici bir detaldır.
Mühüm üstünlük IP53 standartına uyğun olaraq smartfonun tozdan və sıçrayan sudan qorunması idi. Bu, əlbəttə ki, tam su mühafizəsi deyil və siz su altında şəkil çəkə bilməzsiniz, lakin smartfon yüngül yağışa və yaş barmaqlara tab gətirəcəkdir.
Ən keyfiyyətli orta seqment ekran HONOR X9b modelindədir?
HONOR X9b barədə danışmağa ənənədən kənara çıxaraq ekran paneli ilə başlamaq istəyirəm. Çünki, özünü flaqmanlarla eyni fəlsəfədən hesab etməyə çalışan bir cihaz istifadəçisinə əlindən gələnin ən yaxşısını yaşatmalıdır. Beləliklə, bu cihaza HONOR X9a ilə müqayisədə tamamilə yeni 1200×2652 piksel təsvir ölçülü, bu detal vacibdir, çünki ənənəvi FHD+ ilə müqayisədə daha kəskin görüntülər yarada bilən 6.78 düymlük 120Hz AMOLED ekran paneli quraşdırılıb. Diqqət etsənz, kənar uclarına qədər daha yuvarlaq kəsimlərə malik bu ekran paneli eyni zamanda daha nazik ekran çərçivələrinə də sahib olub. HONOR X9b, İsveçrə şirkətinin SGS-dən düşməyə qarşı peşəkarlıq mövzusunda 5 ulduzlu sertifikatı alan sənayedə ilk smartfon olub. Gözəl bir əlavə ekranın PWM texnologiyasını dəstəkləməsidir ki, bu da göz yorğunluğunu aradan qaldırmaq üçün titrəməni minimuma endirməyə kömək edir.
Orta seqmentdə tam olaraq 1200 nit pik parlaqlıq təklif edən cihazın ekran paneli “HONOR Ultra-Bounce Anti-Drop Display” adı üst şüşə ilə qorunub. HONOR X9b ətrafında amortizator effekti yaradan innovativ material sayəsində cihaz hətta mərmər döşəmədə belə 1,5 metr hündürlükdən düşməyə davamlıdır. HONOR brendi bu texnologiyadan o qədər əmindir ki, ekranın hər küncündə zərbə və cızıqlara qarşı dayanıqlılıq təmin edən bu şüşəsini video icmalımız zamanı masaya vuraraq test etməyə belə icazə verib.
Yeni modeldə, həmçinin artıq HONOR smartfonlarının əlamətdar xüsusiyyətinə çevrilmiş tək çıxıntılı dairəvi kamera bloku var. Əsas kamera halqası qadcetin ortasında yerləşir və simmetrik olaraq üç obyektiv və flaşı təşkil edərək bahalı klassik qol saatına bənzər üslubda vahid kompozisiya yaradır.
Çox vaxt orta və büdcə seqmentinə aid smartfonlar yaxşı kamera ilə öyünə bilməz, bu başa düşüləndir, çünki onların əsas məqsədi top modellərdən əsaslı şəkildə fərqlənir. Bununla belə, bu gün istehsalçılar getdikcə yeni cihazlarını yüksək səviyyədə fotoşəkil çəkə bilən yüksək keyfiyyətli obyektiv ilə təchiz etməyə çalışırlar. HONOR X9b-nin aldığı kamera dəsti də onlardan biridir.
HONOR X9b modelinin kamera konfiqurasiyası başdan yaradıldı!
Smartfon üç obyektiv ilə təchiz olunub. f/1.75 diafraqmaya malik 108 MP əsas ISOCELL HM6 sensoru onlardan birincisidir. 4K çəkiliş dəstəyi və rəqəmsal 8x böyütmə ilə əsas kameramız önə çıxır. f/2.2 diyaframlı 5 MP ultra geniş bucaqlı CMOS sensor, həmçinin 2 MP makro kamera ilə də kamera konfiqurasiyamız tamamlanır.
Əsas kamera: 108 MP, f/1.8, 1.67″, PDAF (ISOCELL HM6)
Ultra-geniş bucaqlı kamera: 5 MP, f/2.2
Makro kamera: 2 MP, f/2.4
Selfi kamerası: 16 MP, f/2.5
Yaxşı işıqlandırma şəraitində HONOR X9b əsas sensorun təsir edici ölçüsü hesabına parlaq və aydın fotoşəkillər çəkir, onun köməyi ilə kamera lazımi miqdarda işığı çəkir. Diafraqma dəyəri fonun düzgün şəkildə bulanmasına kömək edir və portret fotolarında demək olar ki, heç bir təhrif yaratmır.
Rəqəmsal böyütmə sayəsində kamera keyfiyyətdən vermədən standart üçqat böyütmə ilə çəkməyə imkan verir, lakin siz bu dəyəri 8x-ə qədər artıra bilərsiniz. Buna görə fotoşəkil keyfiyyətinin müəyyən qədər aşağı düşəcəyinə hazır olun, çünki bu, hələ də orta büdcəli telefondur.
Bundan əlavə, əsas modul “HONOR Super Fast Freeze Motion Capture” mühərrikini aldı ki, bu da hərəkət edən obyektlərin aydın fotoşəkillərini çəkməyə kömək edir. Bu o deməkdir ki, kimsə qaçarkən, tullanarkən və ya sürətlə rəqs edəndə belə gözəl fotolar çəkə bilərsiniz.
HONOR X9b gecə fotoqrafiyasının öhdəsindən yaxşı gəlir. Fotolar parlaq, işıq və detallarla doludur. Gecə rejimi hətta böyütmə zamanı da etibarlı işləyir, fotoşəkillər praktiki olaraq təhrif edilmir, ona görə də zəif işıqlandırma şəraitində işarənin və ya mətnin şəklini çəkmək lazımdırsa, mütləq lazımi detalları görə biləcəksiniz.
Smartfonun ön panelində 16 MP ön kamera obyektivinə malik CMOS sensoru quraşdırılıb. Xüsusilə kifayət qədər işıq varsa, yaxşı, parlaq və keyfiyyətli fotoşəkillər çəkir.
Performans və digər detallarla bağlı nələr var?
Məhz bu hissədə 4nm istehsal prosesinə malik Snapdragon 6 Gen 1 çipseti bu iddiaların hər birini gerçəkləşdirmək üçün HONOR X9b modelində boy göstərir.
Nəticədə yaxşı və sürətli smartfon əldə edirik. Bütün möhkəm gündəlik mobil tapşırıqların öhdəsindən gəlir. Bu o deməkdir ki, siz internetə baxış, fotoşəkil çəkmə, oyunlarda ortalama alıb, performans zamanı heç bir geriləmə və ya yavaşlama hiss etməyəcəksiniz.
Bəlkə də ən vacibi odur ki, HONOR X9b təkcə yüksək sürətli 5G mobil rabitəni deyil, həm də Wi Fi 5, Bluetooth 5.2 və NFC daxil olmaqla bütün müasir simsiz protokolları dəstəkləyir. Bütün bunlara stereo dinamiklər, sürətli barmaq izi skaneri və hətta maska taxsanız belə, üzdən kiliddən çıxarma funksiyası da aiddir.
HONOR X9b modelinin 5800mAs batareya ilə gəldiyini vurğulamaq lazımdır. Belə ki, HONOR mühəndisləri X9b modeli nəzərən orta seqment üçün maksimum səy göstəriblər. Bunun deməyimin səbəbi, əslində böyük batareya deyil, smartfonun bu cür böyük batereya ilə çox erqonomik olması ilə əlaqədardır. Cihaz həm 185 qram ilə gözləmədiyimiz qədər yüngül, 7.29 mm ilə təxmin etmədiyimiz qədər nazikdir. Böyük batareyanı 35 vatt adapter ilə doldurmağa 100% doldurmağa isə təqribi 1.5 saat vaxt lazımdır. Sonra isə hətta 2 gün yetəcək ekran müddəti HONOR X9b ilə əlçatan olacaq. Aydın məsələdir ki, iddialı batareya ömrü üçün iddialı çipsetin olması da vacibdir. Bütün bunlarla birlikdə cihazın batareyasını bazarda ən davamlılardan biri də adlandırmaq olar, çünki o, hətta 1000 şarj dövründən sonra da tutumunun 80%-ni saxlayacaq. Bu o deməkdir ki, siz 3 ildən sonra batareyanın tükənəcəyindən narahat olmayacaqsınız.
HONOR X7b bizlərə nə vəd edir?
HONOR brendinin orta seqmentdə təklif etdiyi digər bir büdcə yönümlü cihaz HONOR X7b-dir. HONOR X7b dizayn konsepsiyasını HONOR 90 smartfonlarının xəttindən miras almışdır. Telefonu ilk dəfə ələ alanda çox zərif, böyük ölçüsünə baxmayaraq, tutmaq çox rahat olan smartfon alınır.
HONOR X7b büdcə sinfinə tanış olan materiallardan yığılmışdır. Şüşə ön panel və plastik əlavələr, arxa qapaq. HONOR X7b dizaynının əsas məqamı, əlbəttə ki, dizaynı alıcıya çox xoş gələn arxa paneldir. Simmetrik olaraq iki bərabər halqaya bölünmüş, lakonik şəkildə fərqlənən əsas kamera bloku, yuvarlaq kənarları sayəsində ideal görünür.
Smartfon 6,8 düymlük ekrana malikdir. Hamar düz ekrana baxmayaraq, “qıvrım” effekti olmadan kifayət qədər yığcam görünür və hiss olunur. Ekranın özünə və onun texniki komponentinə gəlincə, HONOR X7b modeli 6,82 düymlük IPS panel və 388 dpi piksel sıxlığını təmin edən 2412×1080 piksel təsvir ölçülü panellə təchiz edilib. Büdcəsinə baxmayaraq, bu, minimal çərçivələri olan FullView ekranıdır.
İstifadəçilər parlaqlıq, kontrast və rəng bərpasını tənzimləməklə ekranı öz zövqünə uyğunlaşdıra bilərlər, lakin ekranın əsas xüsusiyyəti, əlbəttə ki, TÜV Rheinland sertifikatı ilə təsdiqlənən mavi işıq dəyərinin olduqca ideal səviyyələrə tənzimlənməsi olacaq.
Smartfon öz gücünü Snapdragon 680 çipsetindən alır. Çipset optimal performans üçün 8 GB RAM ilə dəstəklənir və xüsusi “HONOR RAM Turbo” texnologiyasından istifadə edərək daxili yaddaşdan istifadə etməklə virtual olaraq genişləndirilə bilər. Bunun üçün daxili yaddaş resursları kifayət qədərdir.
Cihaz 108 MP əsas sensoru olan üçlü kamera bloku aldı. Bu, təsir edici sensor ölçüsü və yaxşı diafraqma olan geniş bucaqlı obyektivdir, nəinki günəşli gündə, həm də gecələr yaxşı bulanıq fonda aydın fotoşəkillər yarada bilər. Daha geniş obyektivli 5 MP “ultra-geniş” sensor, həmçinin 4 santimetr məsafədən kiçik obyektləri çəkmək üçün 2 MP makro kamera ilə konfiqurasiyamız tamamlanır. Video çəkilişinə gəldikdə, o, 1080p və saniyədə 30 kadr ilə məhdudlaşır.
Heç kimə sirr deyil ki, əla batareya ömrü keyfiyyətli büdcə smartfonunun əsas meyarlarından biridir. HONOR X7b isə sizin üçün ünsiyyət üçün ideal smartfona çevriləcək, çünki 6000 mAs batareya sayəsində o, 3 gün aktiv qalma müddəti verəcək. HONOR X7b həmçinin 35 Vatt gücündə özəl HONOR SuperCharge sürətli enerji doldurma texnologiyası əldə edib ki, bu da smartfonunuzu 30 dəqiqə ərzində 41% doldurmağa imkan verəcək və bu doldurma qadcetdən tam istifadə günü üçün kifayət edəcək. HONOR X7b batareyası 3 il ərzində tam işləyə biləcək və siz 1000 doldurulma dövründən tez olmayaraq tutumda köhnəlmə hiss etməyəcəksiniz.
Nəticə etibarilə bu cihazları almağa dəyərmi?
Honor X9b rəqiblərindən fərqlənən əla orta səviyyəli smartfondur. O, performans və qiymət arasında optimal balans təklif edərək onu tələbələr və gənc istifadəçilər də daxil olmaqla geniş auditoriya üçün ən uyğun həllərdən birinə çevirir.
Yeni Honor X9b adətən daha bahalı flaqman cihazları ilə əlaqəli bir çox xüsusiyyət və funksiya təklif edir. O, nazik korpusa və zəngin bitirmə materiallarına malik premium dizayna, bazarda ən davamlı ekranlardan birnəi, uzunömürlü batareyaya və əla kameraya malikdir.
HONOR X7b isə həqiqətən öz qiymətinə görə ideal cihazdır. Zərif dizayn, 108 MP əsas kamera, böyük, uzunömürlü batareya və bu qiymət seqmentində ilk ikili stereo dinamik var. HONOR-un bütün bunları bir araya gətirməsi və aşağı qiymət aralığında qalması isə mükəmməl alınıb.
