Bildiyimiz kimi, elektrikli nəqliyyat vasitələrinin yüksək diapazon dəyərlərinə çatması üçün aerodinamik dizayn böyük əhəmiyyət kəsb edir. Bu səbəbdən, sürtünmə əmsalı (Cd) dəyəri xüsusilə Çin istehsalçıları arasında demək olar ki, bir yarışa çevrilib. Ancaq Çinli bir naşir, istehsalçılar tərəfindən elan edilən bu iddialı dəyərlərin şişirdildiyini iddia edib. Mübahisə avtomobil bloggeri “Zurich Bei Le Ye”nin Tianjindəki Çin Avtomobil Texnologiyaları və Tədqiqat Mərkəzində (CATARC) külək tunelində müstəqil sınaqda Avatr 12-nin sürtünmə əmsalını 0,28 Cd olaraq ölçdüyünü iddia edən bir video yayımladıqdan sonra başlayıb. Bundan sonra isə məşhur medialar və hətta analitiklər, yekunda isə Elon Musk belə Çinli avtomobil istehsalçısının fırıldaq etdiyini iddia edib.
Qeyd edək ki, bu rəqəm Avatr-ın 0,21 Cd-lik rəsmi tanıtım iddiasından əhəmiyyətli dərəcədə (30%) yüksəkdir. Bloqqer qeyd edib ki, bu rəqəm Passat B5 kimi 20 illik daxili yanma mühərrikli avtomobilə bənzəyir. Avatrın hüquq departamenti bloqqerin məlumatının tamamilə yalan olduğunu bildirib və dərc etdikləri rəqəmlərin doğru olduğunu sübut etmək üçün canlı külək tuneli testi keçirəcəklərini açıqlayıb. O, bloggerin iddiasını X-də paylaşan Elon Musk-ı da testə dəvət edib. Cümə günü canlı külək tunelini sınaqdan keçirən Avatr, 120 km/saat aşağı sürükləmə şəraitində 0,217 Cd ölçülən sürtünmə əmsalı göstərən nəticələri paylaşıb. Daha sonra şirkət aşağı sürtünməli diskləri idman təkərləri ilə əvəz etdi və 120 km/saat sürətlə 0,2326 Cd sürtünmə əmsalı ölçüb.
Avatr 12 normal xarici arxa görüş güzgüsü və təkmilləşdirilmiş asma ilə yüksək sürtünmə şəraitində 0,2509 Cd dəyərinə də nail olub. Nəhayət, ön hava alma barmaqlığı açıq vəziyyətdə aparılan ölçmələrdə 0,2743 Cd sürtünmə əmsalı əldə edilmişdir. Bu testlərin göstərdiyi ən vacib şey müxtəlif sınaq şərtlərinin sürtünmə əmsalına ciddi təsir göstərə bilməsidir. Avatr tərəfindən aparılan müxtəlif testlər bunu açıq şəkildə nümayiş etdirir.Çində külək müqavimətinin yoxlanılması üçün məcburi milli standart olmadığı üçün istehsalçılar müxtəlif üsullarla bu dəyərləri aşağı sala bilərlər. Ona görə də bu rəqəmlərə çox da inanmaq olmaz.
