Gün keçdikcə müasirləşən dünyamızda demək olar ki, 1 saniyə belə internetsiz qala bilmirik. Məhz bu səbəbdən də, çöldə və ya wifi şəbəkəsi olmayan ərazilərdə mobil internetdən istifadə edirik. Ölkəmizdə isə mobil internet paketi təklif edən operatorlara başlıca olaraq Azercell, Bakcell və Nar aiddir. Naxtel mobil operatoru bütün ölkəni əhatə etmədiyindən məqaləmizdə barəsində yer verilməyib. Bəs siz ölkəmizdə hansı provayderin ən sərfəli mobil internet paketi təklif etdiyini araşdırmısınızmı? Bu gün biz bu mövzu barəsində araşdırma edib, normal istifadəçilər üçün internet paketlərini dəyərləndirib məqalə şəklində sizə təqdim edəcəyik.
Ölkəmizdə 5 manata qədər təklif olunan aylıq internet paketləri
İlk öncə 5 manata qədər olan mobil internet paketlərini müqayisə edək. Belə ki, Azercell mobil operatoru aylıq 500MB internet paketini 3 manata, aylıq 1GB internet paketini isə 5 manata təklif edir. Qeyd edək ki, bu qiymətlər Bakcell üçün də keçərlidir. Nar mobil operatoru isə 4 manata sadəcə aylıq 750MB internet paketi təklif edir. Qeyd edək ki, hər 3 operator gündəlik 100MB internet paketini sadəcə 50 qəpiyə, 15 günlük 60MB internet paketini isə 1 manata təklif edir. Həmçinin qeyd edək ki, Azercell təklif etdiyi internet paketlərində WhatsApp tətbiqi üçün pulsuz yazışma imkanı verdiyini göstərsə də digər mobil operatorlar belə bir xidmətin mövcudluğuna dair məlumat vermir.
Ölkəmizdə 10 manata qədər təklif olunan aylıq mobil internet paketləri
Ölkəmizdə təklif olunan ən sərfəli mobil internet paketi barədə araşdırmamızda 5 manatdan 10 manatadək olan internet paketlərinə də ayrıca baxdıq. Qeyd edək ki, Bakcell aylıq 2.5GB internet paketini 8 manata, Nar aylıq 1.5GB internet paketini 6 manata təklif edir. Həmçinin hər 3 mobil operator aylıq 5GB internet paketini 10 manata təklif edir.
Ölkəmizdə 15 manata qədər təklif olunan aylıq internet paketləri
Ölkəmizdə 10 manatdan 15 manatadək təklif olunan aylıq mobil internet paketlərinə nəzər saldıqda, Nar mobil operatorunun yenə fərqli cür çıxış etdiyini görürük. Belə ki, Azercell və Bakcell aylıq 10GB internet paketini 15 manata təklif edir. Lakin Nar aylıq 7GB internet paketini 13 manata təklif edir.
Ölkəmizdə 30 manata qədər təklif olunan aylıq internet paketləri
Son olaraq isə 15 manatdan 30 manatadək olan internet paketlərini təqdim edək. Maraqlısı budur ki, aylıq 10GB internet paketlərindən sonra təklif olunan paketlərin həcmi hər dəfə 10GB artır. Yəni istifadəçilər ya 10GB internet paketi ya da 20GB internet paketini seçməlidir. Belə ki, Azercell 30GB mobil internet paketini 25 manata təklif etdiyi halda, Bakcel və Nar aylıq 20GB internet paketlərini 25 manata təklif edir. Bundan əlavə isə Azercell və Nar aylıq 50GB internet paketini 30 manata satmaqdadır. Nar isə aylıq 40GB internet paketini 35 manata təklif edir.
Bütün bunları anladıq bəs ümumi nəticə nədir?
İlk olaraq qeyd edək ki, ən sərfəli mobil internet paketi hər bir istifadəçi üçün fərqli ola bilər. Belə ki, aylıq 1GB və ya 750MB internet paketi istifadə edən şəx üçün ən sərfəli paket Nar mobil operatorunun 4 manata təklif etdiyi paket sərfəlidir. Lakin aylıq 20-30 GB internet paketi istifadə edən şəxs üçün Azercell-in təklif etdiyi 25 manata 30GB internet paketi daha məntiqli görünür.
Mövzu isə təkcə internet paketlərinin analizi ilə bitmir. Çünki, mobil operatorlar mobil internet paketlərindən əlavə olaraq fərqli tariflər də təklif edirlər. Məsələn, Azercell tərəfindən “İstəSən” tarifi internet paketi üzərində müxtəlif dəyişikliklər edərək xidməti istifadə etməyinizə imkan verir. Tutalım bu tariflə 12GB ümumi istifadə, 4GB yalnız Facebook-Instagram istifadəsi üçün seçim etsəniz 15.70 manat ödəməlisiniz. Amma sadəcə 10GB internet paketini almaq 15 manatdır.
Eyni qəribəlik əslinə qalsa 10 manata ətrafı qiymət səviyyəsində də mövcuddur ki, yenə Azercell şirkətinin “İstəSən” tarifində 10.30 manat qarşılığında 7GB internet paketi əldə etmək mümkündür. Məsələn, bu seçim də Bakcell tərəfindən təqdim olunan “Pulsuz Instagram” tarifinin 10 manata 3GB ümumi istifadə, 3GB yalnız Instagram tarifinə oxşardır. Lakin bu zaman həm 1GB əlavə paketdən, həm ümumi istifadə cəhətdən 3GB internet paketindən məhrum olmuş olacaqsınız.
Nəticə etibarilə 7 manat üzəri internet paketlərinin alışı zamanı yuxarıda gördüyünüz kimi maraqlı bir nəticə ortaya çıxır. Ümid edirik məqalə sizlər üçün yararlı olacaqdır. Öz fikirlərinizi isə bu paylaşımı gördüyünüz sosial media hesablarımızın rəylərindən paylaşa bilərsiniz.
