Metaverse və qarışıq reallıq texnologiyaları ilə gündəmdə olan Mark Zuckerberg Apple şirkətinin yeni Vision Pro modeli barədə fikirlərini bölüşüb. Belə ki, Meta şirkətinin və Facebook, Instagram, WhatsApp kimi platformaların rəhbəri olan Mark Apple şirkətinin yeni qarışıq reallıq eynəyi barədə məyus olduğunu bildirib. Hətta Meta şirkətinin əməkdaşları ilə birgə keçirdiyi iclasda Mark, Apple heç bir texnoloji irəliləyiş etməyib deyib. Həmçinin o, yeni Meta Quest 3 eynəyinin 7 dəfə daha ucuz olduğunu bildirib.
Xatırladaq ki, Meta şirkəti ötən günlərdə yeni Quest 3 virtual reallıq eynəyini təqdim etmişdi. Belə ki, Apple Vision Pro modelindən daha ucuz və daha yüngül olan bu eynək artıq bazarda bir çox istifadəçi tərəfindən bəyənilib. Mark Zuckerberg yeni Vision Pro modelinin mənfi tərəflərindən bəhs edib. O, yeni qarışıq reallıq eynəyinin kabel ilə işləməli olduğunu bildirib. Məşhur milyarder qeyd edib ki, Apple daha yüksək keyfiyyətli ekranlara üstünlük versə də, qiymət tərəfində bunu balanslaşdıra bilməyib. Həmçinin milyarder batareya cəhətdən də Apple Vision Pro modelinin çox az batareya ömrünə sahib olduğunu qeyd edib. Ümumiyyətlə Apple Vision Pro modeli ilə rəqib olan Meta Quest 3 eynəyi adətən daha uzun batareya ömrü və daha ucuz qiymət vədd etdiyi üçün istifadəçilər tərəfindən seçilir. Həmçinin qiymət cəhətdən Meta Quest 3 modelinin 7 dəfə daha ucuz olması onu bazarda lider edə biləcək xüsusiyyətlərdəndir.
Son dövrlərdə Mark Zuckerberg VR və Metaverse sahələrinə milyardlarla sərmayə qoyub. Lakin Mark hələdə istədiyini əldə etmədiyini bildirir. Həmçinin Mark Zuckerberg Apple brendinin yeni Vision Pro eynəyini sadəcə ekrana önəm verilmiş və balanslaşdırılmamış bahalı cihaz olaraq adlandırır. Mark bildirir ki, Metaverse sahəsi hərkəs üçün əlçatan olmalıdır. Məhz bunun üçün də qiymət və keyfiyyət balanslaşdırımalıdır.
