Azərbaycanda aktiv startapların sayı 100-dən çoxdur, amma 2026-cı ilə kimi bu rəqəmin 450-yə çatdırılması nəzərdə tutulur.
Qeyd edək ki, bunu Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin sədri İnarə Vəliyeva startap ekosistemi ilə görüşdə bildirib.
![Azərbaycanda aktiv startapların](https://tedroid.com/media/2023/12/azerbaycanda-aktiv-startaplarin-sayinin-artacagi-1-1.jpg)
Bundan başqa, onun sözlərinə görə, rəhbərlik etdiyi qurumun 2022-2023-cü illərdəki fəaliyyətindən 5 000-ə qədər benefisiar yararlanıb.
“Hazırda texnoparkımızın 63 rezidenti var. Bunun cəmi bir neçəsi xarici rezidentlərdir. Amma ən qısa zamanda onların sayını 50-yə çatdırmağı düşünürük. Agentlik olaraq planlarımıza ölkədə 2 innovasiya klasteri və 7 innovasiya mərkəzi yaratmaq da daxildir. Bizim ən uğurıu fəaliyyətlərimizdən biri “Technest” proqramıdır. Hansı ki, onun məzunlarının sayı 4 000-i ötüb. Amma biz bu rəqəmi 19 000-ə çatdırmaq niyyətindəyik”, – deyə sədr əlavə edib.