POCO F seriyası adətən smartfon seqmentində ən çox istifadə olunan modellərdən biridir. Bu yaxınlarda satışa çıxarılıacaq POCO F5 5G və POCO F5 Pro modellərinin buraxılış tarixi və xüsusiyyətləri sızdırılıb. Sızıntılara görə, Çindəki Redmi Note 12 Turbo modelinin yenidən adlandırılmış variantı POCO F5 5G modeli 120Hz yeniləmə tezliyi ilə 6,67 düymlük AMOLED ekrana sahib olacaq. Uyğun olaraq Full HD+ təsvir ölçüsünə və ekran üzərindən barmaq izi skaneri ilə təchiz ediləcək. POCO F5 həmçinin 67 vatt sürətli şarj ilə 5500 mAs batareya ilə qarşımıza çıxacaq. Cihaz 50 MP əsas kamera, 8 MP ultra geniş və 2 MP-lik makro və ya dərinlik sensoruna sahib üçlü kamera sistemina malik olacaq. Cihaz öz gücünü Snapdragon 7+ Gen 2 çipsetindən alacaq.
Sızmalara görə desək POCO F5 Pro isə təkrar brendləşdirilmiş Redmi K60 olacaq. Bu o deməkdir ki, POCO F5 Pro modeli Redmi K60 ilə eyni 6,67 düymlük OLED ekran panelini paylaçacaq. Lakin 3200 x 1440 piksel təsvir ölçüsündə bir qədər yüksək olacaq. Bu, Çin brendləri arasında trend olan 1,5K təsvir ölçüsüdür. Cihaz həmçinin Snapdragon 8+ Gen 1 çipseti ilə təhciz ediləcək. POCO F5 Pro OIS dəstəkli 64 MP əsas kamera, 8 MP ultra geniş və 2 MP-lik makro sensoruna sahib POCO F5 5G kimi üçlü kamera sistemi ilə təhciz ediləcək. Cihaz həmçinin stereo dinamiklər, Wi-Fi 6 və Bluetooth 5.3 ilə təchiz edilmişdir. 67 Vt sürətli şarj ilə POCO F5 5G kimi 5500 mAs batareya gəlir. Ən böyük fərq, POCO F5 modelində mövcud olmayan 30 vatt simsiz şarj olmasıdır. İki cihaz da Android 13 əsaslı MIUI 14 ilə işləyəcək. Məlumata görə, Snapdragon 7+ Gen 2 ilə gələn POCO F5 5G artıq 6 aprel tarixindən satışa çıxarılacaq.
