Samsung Display, Society for Information Display (SID) 2025-də əvvəlki prototiplərdən daha yüksək parlaqlıq təklif edən əhəmiyyətli dərəcədə təkmilləşdirilmiş EL-QD displey panelini təqdim edib. Qeyd edək ki, EL-QD panelləri yalnız rəng çevrilməsi üçün kvant nöqtələrindən istifadə edən QD-OLED panellərindən fərqli olaraq işıq emissiyası və rəng çevrilməsi üçün QD-lərdən istifadə edir.
Samsung Display prototip mərhələsində olan iki EL-QD displey panelini nümayiş etdirib. Biri 400 nit parlaqlığa çata bildiyi halda, digərinin piksel sıxlığı 264 təşkil edir. Xatırladaq ki, keçən ilki QD-LED panellərində 250 nit parlaqlıq və 202 ppi piksel sayı var idi. Ümumiyyətlə, Samsungun yeni nəsil EL-QD displeyi qeyri-üzvi elektrolüminessensiya texnologiyasından istifadə edir ki, burada hər bir RGB piksel elektrik siqnallarına cavab olaraq özbaşına işıq və rəng yaratmaq üçün kadmiumsuz kvant nöqtələrindən istifadə edir.
Qeyd edək ki, EL-QD paneli yalnız işıq yaymaq və rəng yaratmaq üçün kvant nöqtələrindən istifadə edir. Məhz buna görə də, rəng dəqiqliyi son dərəcə yüksəkdir. Bundan əlavə, işıq yaymaq üçün ayrı bir təbəqə olmadığı üçün panelin ümumi enerji istehlakını azaldır. Samsung-un Kaliforniyada təşkil olunan sərgidə yeni nəsil ekran paneli ilə çıxış etməsi olduqca böyük marağa səbəb olub.
