Son dövrlərdə smartfon satışları ilə rekordlar qıran Xiaomi brendi bu dəfə ciddi problem ilə üz-üzə ola bilər. Belə ki, bir çox istifadəçi Xiaomi smartfonlarında Chrome brauzerinin sındırılığını və icazəsiz olaraq müxtəlif saytların ön plana çıxdığını iddia edir. Həmçinin naməlum səhifələr brauzerə daxil olarkən istifadəçilərin qarşısına çıxır. Hətta bəzən bu səhifələr brauzer tərəfindən ana sahifə olaraq müyyənləşdirilir. Təhlükəsizlik məsələsinə gəlsək, əslində Çin smartfon istehsalçıları heçdə süddən çıxmış ağ qaşıq deyillər. Daha əvvəl də smartfonların izlənilməsi ilə bağlı bir çox iddialar gündəmdə idi.
Bir çox Reddit və X istifadəçisi bu günlərdə eyni problemi yaşadıqlarını bildirirlər. Bu isə ağıllarda sual yaradır ki, həqiqətən də Xiaomi smartfonlarında Chrome brauzeri sındırılıb? Qeyd edək ki, brauzer ana səhifə kimi mintnav adlı saytı təyin edir. Əgər biz bu saytı araşdırsaq görərik ki, bu heç də telefona zərər verən sayt deyil. Çox güman ki, gündəmdə olan bu mövzu sadəcə saytın hitlərini artırmaq üçün edilən bir hücumdur. Lakin bir çox istifadəçi Xiaomi-yə etibar etmədiyi üçün problemin qəsdən edildiyini düşünürlər.
Maraqlısı budur ki, Xiaomi hələlik bu problemin nədən qaynaqlandığı mövzusunda açıqlama verməyib. Hətta brend bu problemin necə qiymətləndiriləcəyini də bilmir. Buna baxmayaraq Xiaomi öz istifadəçilərindən brauzer və smartfonlarını virus yoxlamalarından keçirməsini xahiş edir. Görünən odur ki, bu problem yaxın günlərdə hələ də gündəmdə qalacaq.
