Toyota brendinin son dövrlərdə elektromobillər üçün hazırladığı yeniliklər həqiqətən də cəlbedicidir. Belə ki, avtomobil nəhəngi elektromobilləri üçün qatı halda olan batareyalar və mexaniki sürətlər qutusu üzərində çalışır. İndi isə məlum olub ki, dünyanın ən böyük avtomobil istehsalçılarından biri olan Toyota, yeni patent ilə elektromobillərə 14 pilləli mexaniki surətlər qutusu gətirir. Ümumiyyətlə hər il təqdim edilən avtomobillər getdikcə daha çox elektronlaşır. Hətta sürətlər qutusu monitorlarda əks olunur və sadəcə bir toxunuşla avtomobiliniz irəli, geri gedə bilir. Toyota isə mexaniki sürətlər qutusu həvəskarları üçün çalışır.
Toyota brendinin uzun müddətdir ki, elektromobillərdə mexaniki sürətlər qutusunu sınaqdan keçirdiyi artıq hərkəsə məlumdur. Belə ki, bununla bağlı internetdə yayılan videolar da gündəm mövzusu olmuşdu. Hətta bir çox insan öz elektromobilində mexaniki sürətlər qutusu istəmədiyini açıq-aşkar şəkildə Toyota şirkətinə bildirmişdi. İstifadəçilər avtomatik sürətlər qutusunda əldə etdikləri rahatlığı və sürüş həzzini mexaniki sürətlər qutusu ilə əldə edə bilmədiklərini də qeyd etmişdi. İndi isə Toyota brendinin 14 pilləli mexaniki sürətlər qutusu üçün patent aldığı ortaya çıxıb. Lakin onu da qeyd edək ki, bu mexaniki sürətlər qutusu virtualdır.
Patent müraciətinin təfərrüatlarına əsasən, görünür ki, virtual mexaniki sürət qutusu altı sürət qutusu ilə məhdudlaşmayacaq. Habelə sürücülər yeni texnologiya sayəsində sürücülər virtual da olsa 14 pilləli mexaniki sürətlər qutusu ilə ənənəvi mexaniki avtomobillərdə yaşadıqları təcrübəni yenidən yaşaya biləcəklər. Toyota ötən il texnologiyanı yeni Lexus UX 300e-də sınaqdan keçirmişdi. Virtual mexaniki sürətlər qutusunun isə 2026-cı ildən əvvəl gəlməsi heçdə real görünmürdü. Maraqlısı budur ki, Toyota mühəndisləri virtual mexaniki sürətlər qutusuna sahib elektromobildə hətta qaz verilmədikdə avtomobilin dayanmasını belə simulyasiya etmişdilər.
