Bildiyimiz kimi, Windows 11 əməliyyat sistemi tez-tez xətalar ilə qarşılaşır. Bu dəfə idə maraqlı xəta ortaya çıxıb. Digərlərindən fərqli olaraq bu Windows 11 xətası File Explorer proqramını əhəmiyyətli dərəcədə sürətləndirir. Ümumiyyətlə artıq hərkəsə məlumdur ki, Microsoft şirkətinin Windows 11 əməliyyat sistemi sələflərindən daha ləngdir. Hətta əməliyyat sistemi sadəcə ləng olması ilə yetinməyib bəzi xətalara da səbəb olur.
Twitter istifadəçisi tərəfindən ortaya çıxarılan bu xəta əslində müsbət xüsusiyyyətlərə malikdir. Çünki bu Windows 11 xətası ilə əməliyyat sistemi daha doğrusu File Explorer artıq daha sürətli çalışır. Təbii ki, bu gün bir çox istifadəçi Windows 11 sistemindən narazı olsa da, bir o qədəri də razıdır. Bu mübahisə demək olar əməliyyat sistemi təqdim edildikdən bəri davam edir. Lakin yenə də bu xətaları görməzdən gəlmək mümkün olmur. Qeyd edək ki, bu ironik xətanın mahiyyəti F11 yəni tam ekran düyməsi ilə bağlıdır.
Əgər siz F11 tam ekran düyməsi ilə File Explorer pəncərəsini böyütsəniz və ardından eyni addımı edərək ekranı kiçiltsəniz proqramın daha sürətli və animasiyasız çalışdığını görə bilərsiz. Bu xəta hazırda aktualdır və bütün Windows 11 versiyalarına təsir göstərir. Qovluq məzmunlarının daha sürətli açılmasına səbəb olan bu xəta eyni addımları yerinə yetirdikdən sonra öz təsirini itirir. Yəni siz F11 düyməsi ilə yenidən etdiyiniz addımları təkrarlasaz File Explorer əvvəlki halına qayıdacaq. Bundan əlavə bir çox istifadəçi bu xətanın 22H2 versiyasında daha intensiv işlədiyinin şahidi olub. Ümid edək ki, Microsoft bu xətasından sözün əsl mənasında dərs çıxarar.
