Alternativ enerji mənbələrindən müxtəlif sənayelərdə istifadə olunsa da, hələ texnolojik məhsullar tərəfində bu texnologiya tətbiq edilməmişdi. Lakin CES 2024 çərçivəsində 3M şirkəti tərəfindən dünyanın ilk batareyası tükənməyən simsiz qulaqlığı hazırlanıb və elan olunub. Belə ki, dünyada ilk olan bu qulaqlı xarici və daxili məkan işığını davamlı olaraq enerjiyə çevirməsi üçün günəş batareyası texnologiyasından istifadə edən qulaqlıq təqdim edilib. Görünən odur ki, texnologiya həvəskarlarının, xüsusilə gamerlərin daha bir problemi öz həllini tapır.
Ümumiyyətlə hazırda bazarda bir çox innovativ səs texnologiyalarına malik olan simsiz qulaqlıq mövcud olsa da, onların ən başlıca problemi müəyyən müddətdən sonra şarja ehtiyac duymalarıdır. Lakin CES 2024 çərçivəsində 3M tərəfindən elan edilən dünyanın ilk batareyası tükənməyən simsiz qulaqlığı daim işıq şüaları vasitəsi ilə öz batareyasını şarj etdiyi üçün istifadəçilərin daha bir problemini həll edir. Qeyd edək ki, qulaqlıq qismən təkrar emal edilmiş plastik və elektronikadan hazırlanır və günəş batareyası da tamamilə günəş enerjisi ilə işləyən müəssisədə istehsal olunur. Yəni cihaz həmçinin ekoloji cəhətdən də bir çox problemi həll edir deyə bilərik.
Yeni qulaqlığın ən önəmli xüsusiyyəti də məhz yalnız günəş şüası ilə deyil, istənilən işıq şüası ilə öz batareyasını şarj edə bilməsidir. Bluetooth ilə istənilən cihaza bağlanan bilən qulaqlıq həmçinin səs-küyün qarşısını almaq üçün daxili mikrofona malikdir. Qulaqlıqdakı Push to Listen (PTL) düyməsi istifadəçilərə qulaqlığı çıxarmadan ətrafdakıları dinləməyə də imkan verir. İsveçin Exeger şirkəti tərəfindən istehsal edilən 1000 mAs həcmli Powerfoyles batareyaları ilə təchiz edilən qulaqlığın qiyməti də 600 dollardır.
