Avtomobillərdəki fiziki düymələr getdikcə yenin sensor ekranlara verdiyi üçün ləkələnmə problemi daha da artdı. Barmaq izlərini silməyin ən asan yolu çoxumuzunda istifadə etdiyi mikrofiber parçalardır. Lakin avtomobil istehsalçısı General Motors daha yaxşı həll yoluna malik sensor ekranlarının özünü təmizləməsini təmin edən yeni ekran patentini alıb. Bu texnologiya ilə bənövşəyi piksellər ekranda mavi, qırmızı və yaşıl piksellər arasında yerləşdirilir. Bənövşəyi pikselin yaydığı işıq, ultrabənövşəyi işıq kimi, insan gözü tərəfindən görülə bilməz, buna görə də ekranda göstərilən rənglərə heç bir təsiri olmayacaq. Bənövşəyi piksellərdən əlavə isə, ekranda görünməz metal oksid əsaslı fotokatalitik örtük də var. Bu iki şey kimyəvi reaksiyaya nəticəsində ekranı daim təmiz saxlayır.
Ultrabənövşəyi işığa məruz qaldıqda, fotokatalitik örtük işığı qəbul edir və havadakı nəmdən istifadə edərək kimyəvi reaksiya yaradır. Reaksiya zamanı barmaq izlərindən qalan üzvi materiallar əriyir. Reaksiya başa çatdıqdan sonra hər şey quruyur və toz kimi yox olur. Ultrabənövşəyi işıq təbii günəş işığından əldə edilə bilər, lakin bənövşəyi piksellər lazımdır. Məsələn, bir çox avtomobillərin günəş işığına maneə törədən xüsusi örtüklü pəncərələr var. Həmçinin, sürücünün bu funksiyadan gecələri istifadə etmək istəməsi çətinliklər yaradır.
Təbii ki, hər hansı bir patentdə olduğu kimi, General Motors bu sistemi heç vaxt tətbiq etməyə bilər. Digər tərəfdən, əgər bu texnologiya həqiqətən işləyirsə, patent ağıllı telefon istehsalçıları tərəfindən lisenziyalaşdırıla və telefon ekranında da istifadə oluna bilər. Hal-hazırda, əksər smartfon ekranları, telefonun şüşə panellərində qalan barmaq izlərini azaldan oleofob örtüyə malik olsalar belə, bu texnologiya istənilən nəticəni vermir.
