100 ildir ki, insanların barmaq izlərini qeydə almaq üçün barmaq uclarını hansısa səthə basması kifayət edib. Əvvəllər bunu mürəkkəblə edirdilər, bildiyimiz kimi indi isə hava limanlarında və telefon ekranlarında skanerlərdə quraşdırılmış sensorlarla bunu etmək mümkündür. Barmaq izinin növbəti mərhələsində isə heçnəyə toxunmağa ehtiyac yoxdur.
Kontaksız barmaq izi olaraq adlanan texnologiya insanların barmaq izlərini qeydə almaq üçün telefonunuzun kamerasından istifadə edir. Sadəcə əllinizi kamera obyektivinin qarşısında tutun və proqram barmaqlarınızın ucundakı bütün xətləri və qıvrımları müəyyən edib qeyd etsin. İllərdir inkişafda olan texnologiya daha təkmilləşdirilmiş formada istifadə olunmağa hazırdır.
Kamera ilə barmaq izinin oxunması ilk növbədə polislərin işinə yarayacaq
Wired-ə danışan Telos vitse-prezidenti Chace Hatcher, barmaqların şəklini görüntü emal texnologiyası ilə uyğunlaşdırdıqlarını və dərhal barmaq izinə çevirdiklərini söylədi. Chace Hatcher, cihazın kölgələri və işıqlandırmaları tanıdığını və barmaq izini təşkil edən proyeksiyaların təyin edilə bilindiyini deyib.
Son illərdə kifayət qədər sürətlə inkişaf edən skan etmə texnikası nəhayət real dünyada istifadəyə hazır görünür. Barmaq izi texnologiyası üzərində araşdırmalar aparan Telos, istifadə icazəsinin ilk olaraq ABŞ-da polislərə veriləcəyini bildirib. Hələlik, texnologiya polislər tərəfindən istifadə olunacaq.
Hatcher deyir ki, barmaq izlərini dəqiq toplamaq üçün insanın əli telefonun kamerasından təxminən beş santimetr uzaqda olmalıdır. Burada şirkətin maşın öyrənmə alqoritmləri barmaqlarınızın ucunu müəyyən edir və təsviri emal edir.
Telosun vitse-prezidenti , barmaq izinin 2 meqapiksel təsvir ölçüsünə malik telefon kamerasından belə istifadə etməyin mümkün olduğunu iddia etdi. Lakin bu texnologiya ilə smartfon istehsalçılarından daha çox hüquq-mühafizə orqanları maraqlanır. Təhlükəsizlik məqsədilə barmaq izinin aşkarlanması və araşdırılması üçün əla təsirə malik ola bilər. 160 milyondan çox insanın barmaq izlərini saxlayan məlumat bazasına malik olan FTB, yeni metodun barmaq izlərini daha tez və səmərəli şəkildə toplamağa imkan verəcəyinə inanır. Biometriya sahəsi həqiqətən sürətlə inkişaf edir. Bəzi hesablamalara görə, bu bazarın dəyəri 2030-cu ilə qədər 127 milyard dollar dəyərinə qədər çata bilər. Bəs siz bu mözvu haqqında nə fikirləşirsiniz? Bu texnologiya sizcə yaxın vaxtlarda bizim üçündə istifadəyə verilə bilərmi? Fikirləriniz şərh bölməsində bizimlə bölüşməyi unutmayın.
