Qlobal istiləşmə dünyanın hər yerindəki canlılar üçün ciddi problemlər yaratmağa davam edir. Ən böyük təhdidlər isə qütblərdəki buzlaqların əriyərək okean səviyyəsini yüksəltməsi və qütblərdə yaşamağa uyğunlaşmış az sayda olan canlının zamanla yox olmasıdır. Buna görə insanların məsuliyyətli davranıb dəyişən iqlim şərtlərinə, qlobal istiləşməyə qarşı birlikdə vuruşması vacibdir. Lakin təəssüf ki, demək olar hamımız hər gün qlobal istiləşmənin yeni fəsadlar ortaya çıxardığı ilə bağlı xəbərləri oxumaqla kifayətlənirik. İndi isə ağ ayılar qlobal istiləşmə və iqlim şəraitinin yaşayış mühitinə təsir etməsi səbəbilə dəyişiklik keçiriblər. Tədqiqatçılar ağ ayıların genetik olaraq dəyişmiş yeni populyasiyası barədə məlumat veriblər.
Tapılmış yeni ağ ayılar gələcək üçün ümid vəd edir
Science jurnalında dərc edilmiş yeni bir tədqiqat materialı ağ ayılarla bağlı yeni detalları üzə çıxarıb. Washington Universitetinin tədqiqatçıları Qrenlandiyanın cənub-şərqindəki müəyyən bir ağ ayı qrupunun buzsuz dənizlərdə yaşadığını aşkar edib. Aşkar edilmiş ağ ayı populyasiyası genetik olaraq dəyişikliklərə malikdirlər.
Əslində əvvəlcədən həmin bölgədə ağ ayıların olduğu məlum idi. Lakin sərt hava şəraiti, kəskin dağlıq mühit kimi amillər həmin bölgədə araşdırma edilməsini çətinləşdirirdi. Nəslin kəsilmə təhlükəsi artdıqca araşdırmaları gücləndirən tədqiqatçılar ağ ayıların yeni populyasiyasını tapa biliblər.
Əldə edilmiş nəticəyə görə, aşkarlanmış ağ ayılar indiyə qədər məlum olan 19 növ qütb ayısı ilə genetik olaraq uyğun gəlmirlər. Bu populyasiyaya aid olan ağ ayıların sayı təqribi 100 ədədə yaxındır. Digər növlərin ümumilikdə təqribən 26000 ağ ayı formalaşdırdığını nəzərə alsaq bu say xeyli aşağıdır. Həm də bu populyasiya təqribi bir neçə yüz ildir ki, digər 19 növə aid ağ ayılardan tamamilə uzaqda yaşayıb. Üstəlik digər 19 növdən daha balaca olduqları, zəif inkişaf etdikləri də öyrənilib. Lakin yeni iqlim şərtlərinə davamlıdırlar.
Həmin ağ ayıların əsas qida mənbəyini də öyrənməyə çalışan alimlər ayıların suiti ovlayıb yeyərək həyatda qaldığını kəşf ediblər. Nəticə etibarilə yeni populyasiya gələcək üçün müəyyən qədər ümid verici olsa da yerdə qalan 19 növdə 26000 ağ ayının aqibəti elə də ürəkaçan olmayacaq.
