Google və Apple arasında gizli gəlir paylaşımı olduğu iddia edilib. İnternetin görünən üzünü nəzarət altında saxlayan Google şirkəti axtarış sistemində monopoliyaya sahibdir. Apple isə uzun müddətdir ki, bu vəziyyəti dəyişdirmək və Google üçün alternativ olan axtarış sistemi təklif etmək istəyir. Apple şirkəti Apple Search ilə irəliyə doğru böyük bir addım ata bilər. Əlbəttə ki, bu biraz vaxt alacaq. Keçən il açıqlanan məlumata görə, Apple şirkətinin öz axtarış sistemini yayımlanmasına ən azı dörd il qalmışdı. Apple şirkəti bu sahədə yetişmiş mühəndisləri Google şirkətinə itiridiyi üçün layihə istənilən qədər sürətlə inkişaf etmir. Qeyd edək ki, Google şirkətinə birbaşa rəqib olan Apple Search, yayımlanmaya da bilər. Çünki Apple hazırda Google şirkətindən milyardlarla dollar qazanır. The Register tərəfindən yayımlanmış hesabata görə, Google şirkəti iOS əməliyyat sistemində Google Chrome istifadə edən insanlardan əldə etdiyi axtarış gəlirlərinin xeyli hissəsini Apple şirkətinə verir.
Bundan əlavə, Google uzun illərdir ki, Apple cihazlarının əsas brauzeri olan Safari-də quraşdırılmış axtarış sistemini saxlamaq üçün milyardlarla dollar ödəyir. Keçən illərdə Google şirkətindən hər il Apple şirkətinə 8 ilə 12 milyard dollar arasında vəsaitin getdiyi barədə məlumatlar verilmişdi. Daha sonra mənbələr Google-un qurulmuş axtarış sistemi olaraq qalması üçün yalnız 2020-ci ildə Apple şirkətinə 10 milyard dollar ödədiyini söyləyib. Bunun 2021-ci ildə 15 milyard dollara, 2022-ci ildə isə 18 milyard dollar, hətta 2023-cü il ilə birlikdə 20 milyard dollara çatacağı düşünülür.
Bu hallar hüquqi müstəvisində yaxşı qarşılanmır. Keçən il ABŞ Ədliyyə Departamenti Google şirkətinə qarşı araşdırma başlatdı. Nazirlik Google şirkətinin Apple şirkətinə pul ödəməklə irəliləyişini rəqabətə zidd davranış kimi qiymətləndirir. Bununla belə, Android ekosisteminin sahibi olan Google şirkəti Apple şirkətinə sərvət ödəməyə davam edir. Google şirkəti ABŞ Ədliyyə Departamenti tərəfindən günahkar bilinərsə, Apple şirkətinə ödəmləri dayandırmalı olacaq. Apple şirkəti də öz tərəfində qazancına baxıb, sanki mövzuya səssiz qalır.
