Son illərdə böyük bir kütlə əldə edən TikTok şübhəsiz ki, dünyanın ən böyük sosial media platformalarından birinə çevrilib. 1,5 milyarda yaxın istifadəçisi olan platforma, zaman-zaman tənqid hədəfi də olur. Yəni, bütün bu təsirlər TikTok-u App Store və Google Play kimi mağazlardan silinmə təhlükəsi ilə qarşı-qarşıya qoyur.
Amerikadakı Federal Rabitə Şurasından (FCC) Apple və Google-a vacib bir əmr gəlib. FCC rəsmisi Brendan Carr iki səhifəlik açıq məktubda bu şirkətlərə açıq çağırış edib. Brendan Carr şirkətlərdən TikTok-u App Store və Google Play-dən çıxarmağı xahiş etdi. FCC bu məktuba cavab qaytarmaq üçün Apple və Google-a iyulun 8-dək vaxt verib.
Onun TikTok-un silinməsini tələb etdiyi məktubda bəzi səbəblər də var. Bu səbəblərdən biri FCC-yə görə, bu platforma əslində video paylaşma proqramı deyil. Belə ki, məktubda platformanın Çin hökuməti üçün “qabaqcıl nəzarət vasitəsi” olduğu iddia edilir. Digər tərəfdən, uzun müddətdir davam edən müzakirədə “problemin” aradan qaldırılması tələbi aşağıdakı ifadələrlə çatdırılıb.
Deyilir:
Aydındır ki, TikTok qəbuledilməz milli təhlükəsizlik riski yaradır. Çünki, tətbiqin geniş məlumat toplaması Pekinin bu həssas məlumatlara nəzarətsiz çıxışı deməkdir. Buna görə də sizdən xahiş edirəm ki, tətbiq mağazası siyasətlərinizi TikTok-a tətbiq edə və bu şərtlərə əməl etmədiyi üçün onu tətbiq mağazalarınızdan siləsiniz.
ABŞ-dakı TikTok istifadəçi məlumatlarına Çindəki işçilərin daxil ola bilməyəcəyi düşünülsə də, son həftələrdə ortaya atılan məxfilik iddiaları hər şeyi qarışdırır. Digər tərəfdən platformanun 2021-ci ilin sentyabrından 2022-ci ilin yanvarına qədər ABŞ-dakı istifadəçi məlumatlarını oxumağa icazəsi olub. Görünür ki, bu tələb ABŞ və Çin arasındakı qəzəbi daha da artıra bilər. Bəs siz bu mövzu haqqında nələr fikirləşirsiniz? Platformanın silinməyini istərdinizmi? Fikirlərinizi bizimlə bölüşməyi unutmayın.
