Starlink, dünyanın demək olar ki, hər yerindən internetə quru əlaqəni təmin edəcək yeni xidməti haqqında məlumat paylaşıb. Belə ki, peyk internet xidməti alan bəzi abunəçiləri ilə artıq sınaqlara başlayıb və bu xidmətin qiyməti də məlum olub. Sınaqlarına başlanan Qlobal rouminq xidməti adlanan yeni xidmətin qiyməti 599 dollar olan əsas paketdən əlavə ayda 200 ABŞ dolları təşkil edəcək.
Xidmət dünya miqyasında əlaqəni təmin etmək üçün Starlinkin peyklərarası keçidlərindən (kosmik lazerlər) istifadə edir. Starlinkin açıqlamasına görə, qısa müddətli zəif əlaqə ola bilər, lakin xidmət zamanla əhəmiyyətli dərəcədə yaxşılaşacaq. Starlink hələ də Türkiyə, Hindistan, Kamboca da daxil olmaqla müxtəlif ölkələrdə aktivləşmə üçün təsdiqini gözləyir və digər ölkələrdə ümumiyyətlə mövcud deyil. Digər tərəfdən, Starlinkin əhatə dairəsi xaricində bəzi istifadəçilərə qlobal rouminq xidmətini təklif etdiyi barədə şayiələr də var.
Starlink Qlobal Rouminq planını şirkətin peyk internetindən istifadə edərkən dünyanı gəzməyin daha azad yolu kimi təqdim edir. RV planında olduğu kimi, istifadəçilər istənilən vaxt aylıq 200 ABŞ dolları ödəyərək yararlana biləcəkləri Qlobal Rouminq xidmətini dayandıra bilərlər.
Daha öncəki xəbərlərimizin birində Starlink interneti haqqında başqa bir diqqət çəkən məsələni də sizlinlə bölüşdük. Belə ki, SpaceX Ukrayna ordusunun ölkənin Rusiya ilə müharibəsi zamanı regionda pilotsuz təyyarələrə nəzarət etmək üçün şirkətin Starlink peyk internet xidmətindən istifadəsinin qarşısını almaq üçün addımlar atıb.
