Xiaomi 14 seriyası rəsmi olaraq Çin bazarı üçün debüt etdi və beləliklə, Snapdragon 8 Gen 3 seriyası çipsetə sahib və HyperOS əməliyyat sistemli ilk cihazlar qarşımıza çıxıblar. Xiaomi 14 və Xiaomi 14 Pro modelləri özlüyündə bir çox ideal yeniliklər gətirirlər. Xiaomi brendi bu il həm cihazlar arasındakı fərqləri eynən iPhone 15 seriyasındakı kimi bənzərləşdirir, lakin cüzi fərqlərlə Xiaomi 14 Pro modelini önə çıxarır. Əvvəlki illərdən fərqli olaraq bu il Xiaomi 14 seriyasında “Pro” modelin qıvrımlı ekrandan imtina etməsi də ayrı bir vacib hal oldu. Gəlin indi isə Xiaomi 14 seriyasına daha yaxından baxaqə
Xiaomi 14 modeli nə gətirir?
Keçən il olduğu kimi, əsas Xiaomi 14 modeli Pro variantından daha kiçik ölçülərə malikdir. Bu səbəbdən, onun çəkisi 188 və ya 193 qram (seçilmiş versiyadan asılı olaraq) və eni 71,5 millimetrdir. Xiaomi 13 ilə eynidir, ona görə də onu bir əllə tutmaqda heç bir problem yaranmamalıdır, buna korpusun künclərdə yuvarlaqlaşdırılması da kömək edir. Dizayn baxımından hər iki model, ümumiyyətlə, keçən il Xiaomi 13 təqdimatında gördüklərimizi xatırladır. Xiaomi 14 ekranının ətrafındakı çərçivələr də çox böyük deyil. Üstdə 1,61 millimetr və aşağıda 1,71 millimetr qalınlığa malikdir.
Ekrandan söz düşmüşkən, Xiaomi 14 modeli TCL tərəfindən istehsal olunan OLED panelə malikdir. Ekran 6,36 düymdür, sələfi ilə eynidir. 2670 x 1200 piksel təsvir ölçüsünə malikdir və Xiaomi pik parlaqlığının 3000 nit qədər yüksək olması ilə öyünür ki, bu da ötən gün ilk BOE-də olduğu fikirlərini alt-üst edir. Bununla belə, şirkət avtomatik rejimi yandırmadan normalda nə qədər parlaqlıq gözləyə biləcəyimizi dəqiqləşdirməyib. Bundan əlavə, giriş səviyyəli model bu il LTPO texnologiyasını da aldı, yəni smartfonun ekranı 1 ilə 120 Hz arasında dinamik olaraq yenilənə bilər. Əvvəllər LTPO yalnız “Pro” modeli üçün nəzərdə tutulmuşdu. Ona görə də belə bir dəyişiklik şübhəsiz xoş qarşılandı. Qalan parametrlər flaqman ekranlar üçün xarakterikdir. Məsələn, 12 bit rəng dərinliyi, DCI-P3 rəng gamutu dəstəyi, HDR10+, HDR Vivid və ya Dolby Vision və.s
Yeni flaqmanların yeni flaqman prosessoru olmaması mümkün deyil, buna görə Qualcomm Snapdragon 8 Gen 3 Xiaomi 14 və 14 Pro-da buraxıldı. Bu, TSMC tərəfindən istehsal olunan 4 nm istehsal texnologiyasına əsaslanan səkkiz nüvəli çipsetdir. Detalları ilə saytımızdan Snapdragon Summit istinadən yazdığımız məqalədə tanış ola bilərsiniz. Xiaomi-yə görə, yeni çipset CPU performansında 32% artım təmin edir, eyni zamanda enerji istehlakını 34% azaldır. Oxşar rəqəmlər GPU üçün də verilmişdir. Öz növbəsində, qaz və mayenin ayrılması ilə yeni termal sistem aşağı temperaturun saxlanmasına cavabdeh olacaq. Xiaomi şirkətinin fikrincə, əvvəlki ekvivalent istilik keçirici soyutma sistemindən üç dəfəyə qədər optimal nəticə əldə edilməsi mümkün olub.
Kameralara gəldikdə, Xiaomi, Leica ilə əməkdaşlığının yeni meyvəsi olan Leica Summilux obyektivlərini Xiaomi 14 və 14 Pro üçün təqdim etdi. Bu nəyə kömək etməlidir? Əvvəla, daha geniş diafraqma ilə yeni Xiaomi 14-ün əsas kamera sensoru Light Fusion 900 f/1.6 diafraqma malikdir və onun Xiaomi 13-dən tam olaraq 80% daha çox işıq buraxdığı deyilir. Şirkət həmçinin RAW formatında 14 bitlik HDR fotoşəkilləri aktivləşdirdiyi deyilən şəkillər üçün təkmilləşdirilmiş dinamik diapazon təqdim edir. Geniş bucaqlı modulun təsvir ölçüsü, telefoto obyektiv kimi 12-dən 50 MP-ə qədər artırıldı. OIS dəstəkli əsas kamera kim, telefoto obyektivin yaxınlaşdırma dəstəyi 3.2x təşkil edir. Bu arada, 4-mikrofon sisteminin 360 dərəcə səs izləmə ilə video və yazılarda yaxşı səs keyfiyyəti yaratmağa kömək etdiyi deyilir. Bildirək ki, hər iki 50MP sensor ISOCELL JN1-dir.
Nəhayət, 32MP Dolby Vision dəstəkli selfi kamerası 4K60FPS video qeydləri də dəstəkləyir. Beləliklə, top yekun bir premium cihazda lazım olan bütün imkanları Xiaomi brendi öz əlində cəmləyir.
Batareya tutumu 4610 mAh təşkil edir və 2 çip tərəfindən idarə olunur: Xiaomi Surge P2 (cihazın doldurulmasına cavabdehdir) və Xiaomi Surge G1 (məqsədi hüceyrənin işinə nəzarət etməkdir). Bu modeldə hazırlanmış USB-C portu (USB 3.2 Gen 1 olduğundan, 5 Gbps-ə qədər sürət təklif edir) və ya simsiz olaraq 50 vatt ilə 90 vatt enerji ilə doldurula bilər. Xiaomi şirkətinin fikrincə, bunun Xiaomi 14-ün 31 dəqiqəyə (simli) və ya 46 dəqiqəyə (simsiz) doldurulmasını təmin edəcəyi gözlənilir. Hər iki model IP68 sertifikatı ilə təsdiqlənmiş suya davamlılığa malikdir.
Xiaomi 14 Pro modeli nə gətirir?
Xiaomi 14 Pro daha böyük və bir az daha yaxşı imkanlara malikdir. Xiaomi 14 Pro, şirkətin əvvəlki flaqman seriyası kimi, 14-dən böyükdür 223 və ya 230 qram ağırlığındadır (versiyadan asılı olaraq). Şirkət cohazı yeni Xiaomi Ceramic Glass və All Around Liquid Display adlı paneldən ibarət dəyişikliklərlə əhəmiyyətli dərəcədə gücləndirib. Belə ki, Gorilla Glass kimi həllərdənsə şirkət öz istehsal imkanları ilə eyni Huawei kimi daha dayanıqlı və cihazlar üçün xüsusiləşdirilmiş ekran şüşəsi hazırlamağı üstün tutur.
Xiaomi Ceramic Glass 800 dərəcədən çox qızdırılan xüsusi toz formulasından istifadə edir və ondan mikrokristallar əmələ gəlir. Bir-birinə bağlanan struktur şüşənin hər yerinə eyni dayanıqlıqda qəfəslər paylanır. Bu dizaynın Xiaomi Ceramic Glass-ın tipik şüşədən əhəmiyyətli dərəcədə güclü olmasına imkan verir. Yüksək şəffaflığı qoruyarkən 10 dəfə daha yüksək düşmə müqaviməti və 1,25 dəfə daha yüksək cızıq müqaviməti gətirir. Yəni, öz texnologiyasından yararlanan şirkət bunu təkcə söyləmir və detallarına qədər istifadəçisinə çatdırır.
All Around Liquid Display, ən azı şirkətə görə, düz ekranın vizual estetikasını qoruyarkən əyri kənar hissini təmin etməklə, dörd kənarında və künclərində hamar əyriliklə bir qədər aşağı əyilir. Əslində, aşağı əyilir yox, ekrandan üstə doğru qabarır. Yeni panelin həmçinin ənənəvi əyri displeylərdə rast gəlinən ekran təhrifi, rəng qeyri-dəqiqliyi və təsadüfi toxunuşlar kimi problemləri kökündən həll etdiyi deyilir. Bunun əvəzinə, məzmunun müəyyən bucaqlarda “havada dayanan 3D” təəssürat yaradır.
Bununla belə, birbaşa mülahizələrdən faktlara keçsək Xiaomi 14 Pro 3200 x 1440 piksel təsvir ölçülü 6,73 düymlük OLED ekrana malikdir. Qalan xüsusiyyətlər Xiaomi 14 ilə eynidir, ona görə də hər iki model 1-dən 120 Hz-ə qədər adaptiv yeniləməni təmin edən LTPO texnologiyasını dəstəkləyir, 3000 nit parlaqlığa malikdir və HDR10+, HDR Vivid və ya Dolby Vision məzmununu dəstəkləyir.
Əsas modellə müqayisədə başqa bir dəyişiklik, bir qədər işlənmiş əsas kameradır. Bu, hələ də 50MP Light Fusion 900 sensorudur, lakin “Pro” modelində biz f/1.42 və f/4.0 arasında aktiv diafraqma dəyişə bilərik. Daha da əhəmiyyətlisi, görünür, bizim bu iki diafraqma arasında sabit seçimimiz yoxdur, yəni aralarındakı 1024 səviyyə arasından olduqca həssas sazlama etmək mümkündür.
Xiaomi 14 Pro-nun batareyası 4880 mAs-dır. O, 120 vatt (10 Gbit/s-ə qədər sürəti dəstəkləyən USB-C Type 3.2 Gen2 vasitəsilə kabellə 18 dəqiqəyə) və ya 50 vatt (simsiz, 40 dəqiqə) enerji ilə doldurula bilər.
“Pro”-nun öz xüsusi titan versiyası var. Şirkət yüksək təmizlikdə aerokosmik dərəcəli titan və ultra güclü alüminium ərintisi materiallarından istifadə etdiyini iddia edir. Boz korpus kamera adasının ətrafındakı narıncı əlavələrlə tamamlanır. Hər iki model AOSP 14 əsaslı yeni HyperOS örtüyü ilə işləyir.
Smartfonların qiyməti neçəyədir və Azərbaycan bazarına nə vaxt gələcək?
Cihazların qiymətinə gəldikdə, Xiaomi 14 modelinin 8-256GB yaddaşa sahib başlanğıc variantı 3999 yuan, Xiaomi 14 Pro modelinin 12-256GB yaddaşa sahib başlanğıc variantı 4999 yuan, Titan versiyası isə 6499 yuan qiymətdən alıcıların qarşısına çıxacaq. Azərbaycan üçün növbəti ilin fevral-mart aylarında lokal təqdimat tədbiri keçirilməsi və bazara açılması ehtimal edilir.
HyperOS barədə daha detallı növbəti məqaləmizdə bəhs edəcəyik!
