Artıq texnologiya dünyasının ən parlaq ekranına malik smartfonu OnePlus 12 modelidir. Belə ki, smartfonun canlı şəkilləri tanınmış insayder Ice Universe tərəfindən nümayiş olunub. Xatırladaq ki, daha əvvəl OnePlus rəsmi olaraq “smartfon displeylərini növbəti səviyyəyə çıxarmaq” üçün BOE ilə əməkdaşlıq edəcəyini rəsmən elan etmişdi. Digital Chat Station rəsmisinin sözlərinə görə, yeni OnePlus smartfonunun 2K təsvir ölçülü ekranı 3000 nit parlaqlığa sahib olacaq. Bu displey isə çinin BOE şirkətinə məxsus flaqman X1 displeyi olacaq.
OnePlus 12 modelindən əlavə OPPO brendinin X7 Pro smartfonunda da bu ekrandan istifadə olunacağı gözlənilir. Hətta artıq OnePlus 12 və Samsung Galaxy S23 Ultra displeylərinin ilk müqayisəsi artıq ortaya çıxıb. BOE şirkətinin yeni texnologiyası sahəsində OnePlus 12 dünyanın ən parlaq ekranına sahib olacaq. DisplayMate profil portalı artıq ekrana ən yüksək A+ reytinqini verib və mobil displeylər arasında 18 dünya rekordunu qırdığını qeyd edib. Belə ki, yeni ekran 18% daha az enerji istehlak edir, 30% daha çox istifadə müddəti təklif edir. Həmçinin ekran Yeniləmə sürətini dinamik şəkildə tənzimləməyə imkan verən yeni nəsil LTPO texnologiyasını da dəstəkləyir.
Bundan əlavə BOE şirkətinin yeni flaqman ekranı smartfonlarda alt çərçivənin rekord ölçüdə incəlməsinə imkan verir. Belə ki, iPhone 15 Pro modelində 1.75 mm olan bu göstərici yeni ekran ilə birlikdə 1.165 mm-ə qədər azalacaq. Habelə OnePlus 12 modelinin 6.82 düymlük diaqonal ekranının 120 Hz yenilənmə sürətinə sahib olacağı da iddia edilir.
