Məşhur Tesla rəqibi deyə tanına Rivian brendi ilə bağlı ötən ay heyfisləndirici bir xəbər ortaya çıxmışdı. Sektordan tanınmış mənbələrin verdiyi məlumata görə Rivian şirkətində işlər heç yaxşı getmirdi. Hətta şirkətin 1 il ərzində bata biləcəyinə dair ehtimallar ortaya atılmışdı. Bəziləri bu fikirlərlə razılaşmayıb Amazon, Ford, Mercedes-Benz kimi şirkətlərin investoru olan brendin belə problemlərlə üzləşəcəyinə inanmırdı. Bir neçə ay əvvəl isə Rivian və Mercedes-Benz Avropada elektrikli mikroavtobus və pikapların istehsalı üçün əməkdaşlıq etməyə başladı. Lakin bu gün ortaya çıxan xəbərlərə görə tərəflərin bu əməkdaşlığı da baş tuta bilməyib.
Rivian şirkəti Mercedes-Benz ilə əmədaşlığını ləğv edib, öz brendinin inkişafına fokuslanacaq
Belə ki, üstdə də qeyd etdiyimiz kimi bir neçə ay əvvəl Mercedes və Rivian Avropada elektrikli mikroavtobus və pikapların istehsalı üçün əməkdaşlıq etmişdilər. Buna baxmayaraq elə son aylarda maliyyə problemləri yaşayan şirkət bundan sonra mövcud brendin inkişafına diqqət edəcəklərini bildirib. Mercedes-Benz icraçılarının bildirdiyinə görə əməkdaşlığın dayandırılması hər iki tərəfin xeyrinə olsa da, eyni zamanda strateji fürsətləri dəyərləndirməyə gələcəkdə davam edəcəklər.
Şirkətlər ilk elektromobillərini Polşadakı fabrikdə istehsal edəcəkdi, lakin Alman avtomobil istehsalçısı bu layihəyə özü davam etməli olacaq. Mercedes-Benz şirkətindən Mathias Geisen tərəfindən verilən açıqlamada əməkdaşlığın sonlandırılmasının istehsala və elektromobillərin çıxarılmasına heç bir təsir etməyəcəyi vurğulanıb.
Beləliklə, 2022-ci ilin üçüncü rübündə tam olaraq 1.7 milyard dollar itirən Rivian brendi, itirdiyi əməkdaşlıqla Mercedes mühəndisliyini mənimsəməyi də əlindən vermiş oldu. Digər bir tərəfdən Avropada dolayı olaraq ilk istehsalat müəssisəsi də əməkdaşlığın baş tutmaması ilə əldən verildi. Şirkət illik 25.000 avtomobil istehsal etmə potensialına çatmamış olsa da xüsusilə şirkətlər başda olmaqla 200.000 sifariş çatdırmalıdır. Qısa müddət ərzində istehsalat və xərclər yaxşılaşdırılmasa şirkətin bazardakı mövcudluğu xeyli çətinləşəcək.
