Bəlkə də bəziləriniz indiyə qədər “füzyon enerjisi” başlığı altında xəbərlərlə qarşılaşmısınız. Azərbaycan dilində termonüvə enerjisi deyə adlandırılan bu metod gələcəyin ən dəyərli enerji həllərindən biri hesab edilir. Stansiyanın yerindən, ətraf mühit şəraitindən asılı olmayaraq istənilən mühitdə nüvələrin sintez reaksiyalarından alınan enerji elektrik enerjisinə çevrilir. Hesablamalara görə termonüvə enerjisi uğurlu olarsa milyonlara il insanlara yetəcək qədər enerji əldə etmək mümkün olacaq. Digər bir tərəfdən ətrafa heç bir tullantı atılmadığı üçün termonüvə enerjisi su buxarı ixrac edən Atom Elektrik Enerjisi stansiyalarından belə daha təmiz olmalıdır. Lakin bir problem var ki, nüvələr müsbət elektrik yükləri daşıdıqları üçün bir-birlərinə yaxınlaşdıqda çox şiddətlə itələmə qüvvəsi göstərirlər. İndi yeni ortaya çıxan məlumatlara görə ABŞ-li alimlər enerji istehsalı cəhətdən inqilabi tapşırığın öhdəsindən gəlməyi bacarıblar.
Alimlər enerji istehsalı üçün termonüvə reaksiyasında verilən enerjidən 1,2 dəfə artığını əldə ediblər
Ötən gün Financial Times resursu bu barədə çox maraqlı bir məlumat yayıb. Belə ki, verilən məlumata görə ABŞ Energetika Nazirliyi enerji istehsalı cəhətdən termonüvə enerjisinin istifadə edildiyini elan edəcək. Məlumatlarda qeyd edilir ki, alimlər güclü lazerlər hesabında hidrogen plazmasını şüalandıraraq 2.1 MC enerji sərf edilən prosesdən, 2.5 MC enerji əldə etməyi bacarıblar. Beləliklə, doğruluğu təsdiqləndiyi təqdirdə sərf edilən enerjidən daha çox enerji əldə etmək bir növ mümkün olub.
Məlumatı ABŞ Energetika Nazirliyi təqdim etmişən əvvəl sızdıran mütəxəssislər deyilənə görə aparılan testləri NIF (National Ignıfation Facility) müəssisəsində işə salıblar. Daha əvvəl ABŞ Energetika Nazirliyi 2030-cu ildə Ayda termonüvə enerjisi stansiyası yaratmaqla bağlı layihə irəli sürsə də çoxlarının fikrincə bu ideya mümkünsüz görünür.
