Elektromobil sektoruna yaxından izləyən və ya ən azından xəbərdar olan biri böyük bir ehtimalla Rivian şirkətini tanıyır. Hər elektromobil istehsalçısı şirkət elektromobil trendindən uğurla ayrılmağı bacarmır. Çünki, tanınmış istehsalçılar müştəridə, yeni istehsalçılar isə investorlarda inam yaradacaq yeniliklər təklif etməlidirlər. Rivian şirkəti isə bunu çox yaxşı etməyi bacarmış nümunələrdən biri hesab edilir. Trend və elektromobillərdə axtarılan unikallığı özündə birləşdirən şirkət 1 il ərzində 25.000 avtomobil istehsal etmə potensialına hələ tam çatmasa da təqribi 200.000 elektromobil üçün ön sifariş gözləyir. Amazon, Ford, Mercedes-Benz şirkətlərinin investoru olduğu Rivian brendinin hissə dəyəri bu gün Ford şirkətindən təqribi 2 dəfə yüksəkdir. Lakin Rivian üçün işlər heç yaxşı getmədiyindən şirkətin bata biləcəyi ehtimalı formalaşır.
Tesla rəqibi olaraq yaradılan Rivian gözlənilənləri doğrultmağı bacarmır
2009-cu ildə Tesla rəqibi kimi bazara daxil olan şirkət bazara unikal baxış bucağı ilə çox yaxşı rəğbət qazanmağı bacardı. Lakin həm ilk elektromobillərinin brend yarandıqdan az qala 13 il sonra təhvil verilməsi, həm rəqabətcil modellərin olmaması kimi nüanslar markanın bazardakı yerinin zəifləməsinə səbəb oldu. Digər bir tərəfdən uzun müddət sonra, bazara çıxarılan elektromobillərdəki texniki problemlər müştərilər tərəfindən ciddi tənqidə məruz qaldı. Keyfiyyət standartlarının altında qalan Rivian R1T modeli hətta sükanın boşalaraq yerindən çıxması təhlükəsi ilə əlaqədar çox qəribə faktla bağlı geri çağırılmışdı. Nəticədə keyfiyyət problemləri, tələbə uyğun istehsalın həyata keçirilə bilməməsi kimi və.s problemlər brendi bu gün iflasa sürükləyir.
2022-ci ilin üçüncü rübündə tam olaraq 1.7 milyard dollar itirən Rivian, hesablamalara görə ciddi çətinliklərin astanasındadır. Elektromobili satın almaq istəyən şirkətlərin təkliflərini geri çəkməsi, inflyasiya, işçi xərcləri və digər çətinliklərlə birlikdə ilkin ehtimallar şirkətin növbəti ilin sonuna qədər bata biləcəyini göstərir. Əgər qısa müddət ərzində istehsal ədədləri və xərclər optimallaşdırılmasa şirkətin ayaqda qalmasının mümkünlüyü xeyli çətinləşəcək.
