Bildiyiniz kimi, insan qulağı yalnız müəyyən tezlik diapazonunda səsləri eşitə bilir. 20 Hz-dən aşağı infrasəs tezlikləri və 20 kHz-dən yuxarı ultrasəs tezlikləri insan qulağı eşitə bilmir. Elm adamları illərdir məlum olan bu həqiqətdən yola çıxaraq, bu məhdudiyyətdən istifadə edərək diqqətəlayiq bir texnologiya inkişaf etdiriblər. Belə ki, bu texnologiya sayəsində səs dalğaları yalnız müəyyən bir insanın müəyyən nöqtədə eşitə biləcəyi şəkildə göndərilə bilər. Beləliklə, yeni səs texnologiyası ilə izdihamda sadəcə bir nəfərin səsini eşitmək mümkn olacaq.
Yeni səs texnologiyası ətrafda böyük izdiham olsa da, göndərdiyi səsin sadəcə bir nəfərin eşitməsini təmin edir. Çünki, səs dalğaları təyinat yerinə çatana qədər ultrasəs tezliklərində hərəkət etmək üçün tənzimlənir. Bu “səs sahələrini” yaratmaq üçün istifadə edilən ultrasəs dalğaları keçdikləri yoldakı insanlar tərəfindən eşitilmir. Yalnız təyinat yerinə çatdıqda insan qulağının eşitə biləcəyi tezlikə keçirlər. Bundan əlavə, tədqiqatçılar bildirirlər ki, bu ultrasəs dalğaları tək xətti istiqamətdə hərəkət etməli deyil, onların qarşısındakı maneələri dəf etmək üçün əyilə bilər. Səs dalğaları adətən bir-birindən ayrılır və hərəkət edərkən yayılır. Bu problemi aradan qaldırmaq üçün Penn State tədqiqatçıları insan qulağının eşitməsi üçün çox yüksək tezliklərə malik iki ultrasəs dalğasından istifadə edirlər.
Biri 40.000 Hz, digəri isə 39.500 Hz olan bu dalğalar yalnız səs sahəsinə çatana qədər daşıyıcı rolunu oynayır. Bu iki dalğa ilk dəfə istiqamət nöqtəsində kəsişir və bu kəsişmə zamanı ikisi arasındakı fərqə (500 Hz) bərabər olan yeni səs dalğası yaranır. Bu 500 Hz səsi insan qulağı aydın eşitir. Mikroskopik meta-səthlər maneələrin ətrafında səsi əymək üçün istifadə olunur. Mikroskopik miqyasda düzülən bu strukturlar səs dalğalarının istənildiyi kimi istiqamətləndirilməsini təmin edir.Baş tədqiqatçı Jiaxin Zhong bunu obyektiv vasitəsilə işığın sınmasına bənzədir. Jiaxin Zhong bildirib ki, “Biz mahiyyətcə bir növ virtual qulaqlıq yaratdıq”.
