Çinli avtomobil brendləri daha bir uğura imza atıb. Belə ki, çinli BYD brendi 6 milyon elektromobil istehsal edən ilk avtomobil brendi kimi tarixə keçib. Tam 20 il əvvəl Wang Chuanfu tərəfindən qurulan BYD Auto və ya sadəcə BYD brendi bu gün tarixi uğura imza atıb. Qeyd edək ki, çinin elektromobil nəhəngi hazırda qlobal miqyasda bir çox regionda, bazarda iştirak edir. Avropa, Avstraliya, Asiya və Amerika olmaqla dünyanın 4 bir yanında elektromobil satan şirkət artıq ən böyük avtomobil brendlərini də ötüb. Ümumiyyətlə BYD brendi Tesla ilə daim rəqabət halındadır. Təbii ki, çinin ucuz işçi qüvvəsi və xammal ehtiyatının bolluğu BYD üçün ən böyük üstünlüklərdir.
Xatırladaq ki, elektrikli avtomobil bazarının ən böyüklərindən biri olan Tesla bu ilin sentyabrında sadəcə 5 milyon göstəriciyə çatmışdı. Hətta amerikalı avtomobil nəhəngi gələn ilin əvvəlində 6 milyon göstəriciyə çatmağı düşünürdü. BYD brendi isə 6 milyon elektromobil istehsal edərək öz adını qızıl hərflərlə tarixə yazdırıb. İstehsal baxımından Tesla-nı qabaqlayan BYD, Teslanın son 20 ildə etdiyi 863 müraciətlə müqayisədə 13 min patent müraciəti ilə də amerikalı avtomobil nəhəngini qarşılayaraq bu sahədə sıçrayış edib. Maraqlısı budur ki, indiyə qədər əldə edilən patentlərin demək olar ki, yarısı məhz şirkətin özü tərəfindən hazırlanan batareya texnologiyasında istifadə olunub.
Məhz elə çinli avtomobil nəhənginin hazırda 6 milyon istehsal sayına çatması və Tesla kimi nəhəngi qarşılaması da istifadə etdiyi batareyalar ilə bağlıdır. Hələ BYD brendi patent almaqda davam edir. Şirkət bu yeniliklərin elektromobillərinin bazarda lider etdiyini düşünür. Habelə bu sayədə BYD getdikcə daha da böyüyəcəyini düşünür. Ümumiyyətlə Tesla patenlərinin demək olar yarısı proqram təminatına aiddir. Bir sözlə desək, Tesla proqram təminatına, BYD isə batareya tərəfinə fokuslanıb.
