Çinin elektrikli avtomobil tərəfində dünyanın digər ölkələrini qabaqladığı artıq hərkəsə məlumdur. Hətta Çinin BYD brendi amerikalı Tesla brendini elektromobil satışlarında ötməyi bacarmışdı. Lakin indi çinin qarşısında başqa bir problem dayanır. Belə ki, Çində artan elektromobil istehsalçılarının sayı elektrikli avtomobil bazarında rəqabət dərəcəsinin də çoxalmasına səbəb olur. Rəqabət əsasən elektromobil qiymətləri üzərindən olduğu üçün bir çox çinli elektromobil istehsalçısı gəlirlilik səviyyəsini məcburən aşağı salıb.
Görünən odur ki, 2024-cü il Çinli elektromobil istehsalçıları üçün çox çətin keçəcək. Hazırda bazarda rəqabət və davam edən qiymət mübarizəsi istehsalçıları çıxılmaz vəziyyət salır. Hətta artıq bir çox elektromobil istehsalçısının hissələri də dəyərsizləşməyə başlayıb. Honq Konq Birjasında yer alan Nio və Xpeng səhmləri 18% və 16%, Li Autohas isə bu il indiyədək dəyərinin 12%-ni itirib. Hətta dünyada məşhurlaşan BYD və Leapmotor brendləri də bu il müvafiq olaraq 2,5% və 12% dəyər itirib. Bütün bunların səbəbi də məhz Çinin elektrikli avtomobil bazarındakı rəqabət kimi göstərilir.
Bernstein analitikləri ilin əvvəlində çinin elektrikli avtomobil sektoru ilə bağlı açıqlamalarında bildirmişdilər ki, “Daxili bazardakı rəqabətin gərgin şəkildə davam etməsini və bununla birlikdə qiymət və gəlirliliyə təzyiq etməsini gözləyirik”. Çin Avtomobil İstehsalçıları Assosiasiyasının məlumatlarına görə, Çində, 2023-cü ilin üçüncü rübündə elektrikli avtomobil satışlarında artım əvvəlki ilin eyni dövründəki 108%-dən 28%-ə enib. Fitch Ratings-ə görə, 2024-cü ildə artımın yavaşlaması daha da dərinləşəcək.
