Verilən məlumatlara görə Avropada “internet qaydaları” yaxın vaxtlardan əbədi olaraq dəyişir. Belə ki, yeni qanun qüvvəyə mindikdən sonra Avropa Birliyində texnologiya nəhəngi olmaq xeyli çətinləşəcək. Qanunun yəni Rəqəmsal Bazarlar aktının 1 Noyabr tarixindən qüvvəyə minməsi gözlənilir. Avropa Birliyinin Rəqəmsal Bazarlar Aktı 2023-cü ilə qədər texnoloji şirkətləri daha qarşılıqlı fəaliyyət göstərməyə məcbur edəcək. Avropa Birliyinin rəsmisi olan Gerard de Graaf qeyd edib ki, “Biz onun (yeni rəqəmsal aktın) nəticələrinin əhəmiyyətli olacağını gözləyirik”.
San-Fransiskodakı konfrans zamanı Gerard de Graaf tətbiqi çox çətin və inandırıcı görünməsə də təəccübləndirici fikirlərlə ortaya çıxıb. Onun sözlərinə görə, əgər sizin iPhone modeli bir smartfonunuz varsa, proqramları təkcə App Store mağazasından deyil, həm də alternativ proqram mağazalarından və ya internetdən yükləyə bilməli olduğunuzu bildirib. Bunun səbəbi isə iPhone modellərinin tək bir mağazaya bağlı olması və sektorda təkəlliliyə gətirib çıxarmasıdır. Əlavə olaraq Avropada növbəti gündən qüvvəyə minən yeni qanun, Meta şirkətinin WhatsApp proqramını Signal və ya Telegram kimi rəqib mesajlaşma proqramlardan mesaj almağa məcbur edə bilər. Eyni zamanda Amazon, Apple və Google şirkətilərin öz tətbiq və xidmətlərini rəqabətcil formada bazara yeritməsinə mane ola bilər.
Rəqəmsal Bazarlar aktı 1 noyabrdan qüvvəyə minsə də texnoloji platformalar buna dərhal uyğunlaşmayacaq. Gerard de Graaf şirkətlər 2023-cü ilin yaz ayına kimi yeni qanuna uyğunlaşmalı olduqlarını bildiriblər. Lakin qanun mərhələlər şəklində həyata keçiriləcəyi üçün nəhəng platformaların 2024-cü ilin ortalarına qədər uyğunlaşma dövrünə keçid edəcəyi bildirilir. Qeyd edək ki, qanun həmçinin bəzi süni intellekt texnologiyalarının istifadəsini də qadağan edəcək. Lakin ümumilikdə bu aktın qüvvəyə minməsi sektora necə təsir göstərəcək, bunu bizə zaman göstərəcək.
