Axtarış nəhəngi Google, məşhur Google Chrome internet bazuzerinin yeni versiyası olan Chrome 107 yeniləməsini təqdim edib. Belə ki, brauzerin yeni versiyası Windows, Linux, Android və Apple cihazları üçün əl çatandır. Yeni versiya cəmi 14 problemi aradan qaldırır, onlardan üçü yüksək risklidir. Şirkət bu təhlükəsizlik problemlərindən hər birini 55 min dollar ilə mükafatlandırdığı xarici tədqiqatçılar sayəsində xəbərdar olub. Şirkət həmçinin brazuzerə bir neçə yenilik də əlavə edib.
Chrome 107 yeniləməsi hansı riskli problemləri aradan qaldırıb?
Chrome 107 yeniləməsində olan əsas vizual dəyişiklik yükləmə meneceri interfeysidir. Digər interfeys dəyişikliyi isə Android-də foto və video yükləmələrinin yenilənmiş görünüşündə müşahidə olunub. Lakin yeni versiyadan başlayaraq, Google Andoid 6.0 ilə işləyən cihazlar üçün proqramı yeniləməyi dayandırır.
Əvvəlki Chrome versiyasındakı ən riskli problem CVE-2022-3652 ID-si olaraq təyin edilib. Bu problemin V8 JavaScript və WebAssembly mühərrikindəki Type Confusion ilə əlaqəli olduğu bildirilir. Google, onlara problem barədə məlumat verən təhlükəsizlik mütəxəssisinə 20 min dollar mükafat verib. Növbəti vacib boşluq CVE-2022-3653 ID-sidir. Bu boşluğu kəşf edən tədqiqatçı 17 min dollar mükafat alıb. Son təhlükəli boşluq isə CVE-2022-3654-dir. Bu, dinamik yaddaşdan sui-istifadə edir. Google bu kəşf üçün ödəniləcək pulun miqdarına hələ qərar verməyib.
Google Chrome brauzerinin yeni versiyası 29 noyabr 2022-ci ildə istifadəyə buraxılacaq. Həmçinin bu yaxınlarda açıqlanıb ki, 2023-cü ildə buraxılması planlaşdırılan Chrome 110 yeniləməsi, Windows 7 və Windows 8 əməliyyat sistemləri ilə işləyən kompüterlər üçün son yeniləmə olacaq.
